2024 yil 18 dekabr kuni O‘zbekiston musulmonlari idorasining Namangan viloyat vakilligida viloyat bosh imom-xatibi rahbarligida vakillik  mutaxassislari, Namangan shahar va tumanlar bosh imom-xatiblari hamda bosh mutaxassislari ishtirokida yig‘ilish o‘tkazildi.
Yig‘ilishda joriy yilning 12 dekabr kuni O‘zbekiston musulmonlari idorasida Ulamolar Kengashining navbatdagi yig‘ilishi bo‘lib o‘tgani, unda bir qator tavsiya va ko‘rsatmalar berilgani yuzasidan batafsil to‘xtalib o‘tildi.  
Yig‘ilishda O‘zbekiston musulmonlari idorasi tasarrufidagi imom-xatiblar mehnat samaradorligi, ma’naviy-ma’rifiy yo‘nalishdagi tadbirlar va mahallabay ishlash tizimi hamda ijtimoiy ko‘makka muhtoj shaxslar bilan ishlash jarayoniga oid umumiy faoliyatni o‘rganish va baholash tizimini joriy qilish bo‘yicha «KPI – Imomlarni baholash mezoni» loyihasi ishlab chiqilgani aytib o‘tildi. 
Bundan tashqari O‘zbekiston musulmonlari idorasining 2024-yil 14-dekabrdagi 11/3113-sonli topshirig‘iga asosan har bir masjid o‘zi joylashgan hududdagi Hududiy elektr tarmoqlari korxonasi va Hududgazta’minot AJ bo‘limlariga 2025-yil elektr energiyasi va tabiiy gaz uchun yangilangan ta’rif bo‘yicha shartnoma tuzish va limit olish ishlarini tashkil etish vazifasi topshirildi.
Bosh imom-xatiblar bosh mutavallilar orqali masjidlarga ishga qabul qilingan va vazifasidan ozod etilgan xodimlarni buyruq chiqqan sanadan boshlan uch kun muddatda YAMMT (Yagona milliy mehnat tizimi)ga kiritilishini ta’minlashi ta’kidlab o‘tildi. 
Shuningdek, masjidlar imom-xatiblari va imom-noiblari o‘zlariga biriktirilgan MFYlarda hojilar bilan amalga oshirishlari lozim bo‘lgan ishlarni yanada yaxshilash alohida urg‘u qaratildi.
 

O‘zbekiston musulmonlari idorasi 
Namangan viloyat vakilligi 
Matbuot xizmati