Sayt test holatida ishlamoqda!
23 Dekabr, 2024   |   22 Jumadul soni, 1446
search icon
Avvalgi sayt
ЎЗ РУ EN AR

Toshkent shahri
Tong
06:21
Quyosh
07:46
Peshin
12:27
Asr
15:17
Shom
17:01
Xufton
18:21
Bismillah
23 Dekabr, 2024, 22 Jumadul soni, 1446
Avvalgi sayt
#search
 YouTube
Maqolalar

Menda ko‘rganlaringni boshqalarga aytmagin!

23.12.2024   710   1 min.
Menda ko‘rganlaringni boshqalarga aytmagin!

Bismillahir Rohmanir Rohiym

Bir kuni imom Abu Hanifa rahimahulloh xufton namozini masjidning muazzini ortidan o‘qidi. Muazzin namozda “Zilzala” surasini tilovat qildi. Namoz tugagach, odamlar masjiddan chiqib ketishdi va faqat imom Abu Hanifa va muazzin qolishdi.

Muazzin aytadi: “Men Abu Hanifaga qarasam, u o‘yga cho‘mgan holda o‘tirgan, chuqur-chuqur nafas olar edi. Men uning xayolini buzmaslik uchun turib chiqib ketdim. Masjiddan chiqaturib fonusni qoldirdim, uning ichida juda ozgina moy qolgan edi”.

Ertasiga tong paytida masjidga qaytsam, u hali ham o‘sha joyida o‘tirgan ekan. Pichirlab bunday der edi: “Ey, zarracha yaxshilik uchun yaxshilik beradigan Zot! Ey, zarracha yomonlik uchun yomonlik beradigan Zot! No‘mon qulingni do‘zaxdan asra va O‘z rahmatingga olgin!”.

Muazzin aytadi: “Men kirsam fonus hali ham yonib turgan ekan”.

Abu Hanifa meni ko‘rdida: “Fonusni olmoqchimisan?” deb so‘radi. Bilsam, u hali ham xufton vaqti deb o‘ylagan ekan. Shunda men: “Ey hazrat, tong otdi!” dedim. Shunda Abu Hanifa: “Menda ko‘rganlaringni boshqalarga aytmagin!” dedi.

Homidjon domla ISHMATBЕKOV

Maqolalar
#logo
Boshqa maqolalar

Nabaviy qaytariqlar (1 qism)

23.12.2024   1545   1 min.
Nabaviy qaytariqlar (1 qism)

Bismillahir Rohmanir Rohiym

Rasululloh sollallohu alayhi vasallam:

1. Kishini chap qo‘lda yeyishidan qaytardilar.

2. Suyanib yeyishdan qaytardilar.

3. Qabrlarni (gips bilan) suvashdan va ularning ustida namoz o‘qishdan qaytardilar.

4. Turib qolgan suvga bavl qilishdan qaytardilar.

5. Kishini bitta kavushda yurishdan qaytardilar.

6. Hojat chiqarish yoki bavl qilishda qiblaga yuzlanishdan qaytardilar.

7. (Azada baland ovozda) yig‘lashdan qaytardilar.

8. Tasvirlar, suratlar(ni uyga osish, uni chizish)dan qaytardilar.

9. O‘tda kuydirishdan qaytardilar.

10. Xo‘rozni so‘kishdan qaytardilar.

11. Ayol kishi boshqa ayol bilan bir to‘shakda kiyimsiz yotishdan qaytardilar.

12. Kishining boshqa kishiga “ayolim singlingdir”, deyishdan qaytardilar. Bu yerda maqsud: mahrsiz.

13. Arrofga (kohin, folbin) ga borishdan qaytardilar.

14. Nard o‘ynashdan qaytardilar.

15. G‘iybat va chaqimchilikdan qaytardilar.