Sayt test holatida ishlamoqda!
17 Mart, 2025   |   17 Ramazon, 1446

Toshkent shahri
Tong
05:13
Quyosh
06:32
Peshin
12:36
Asr
16:44
Shom
18:35
Xufton
19:48
Bismillah
17 Mart, 2025, 17 Ramazon, 1446
Yangiliklar

Navbatdagi sayyor yig‘ilish Samarqand shahrida o‘tkazildi

29.01.2025   6588   2 min.
Navbatdagi sayyor yig‘ilish Samarqand shahrida o‘tkazildi

Shu yil 2024 yil 28 yanvar kuni O‘zbekiston musulmonlari idorasi Samarqand viloyati vakilligi tashabbusi hamda yillik ish rejasiga asosan navbatdagi sayyor yig‘ilish Samarqand shahrida o‘tkazildi. Dastlab vakilligi xodimlari ishchi guruh a’zolari bilan uchrashib, kerakli ko‘rsatma va topshiriqlarini berdi. 
 

Mazkur tadbirdan so‘ng Hasan domla Temirov Samarqand shahar bosh imom-xatibi Z.Mahmudov hamrohligida shahar markazidagi “Xo‘ja Abdu Darun” jome masjidi hududidagi bemor va nogironligi bor oilalar holidan xabar olib, moddiy ko‘mak ko‘rsatish bilan birga ularning haqlariga xayrli duolar qildi.


Shundan so‘ng Samarqand shahrida joylashgan 59-son ko‘zi ojizlar maktab internatiga borib, u yerda tarbiyalanayotgan o‘quvchi yoshlar bilan suhbat o‘tkazildi. Unda Z.Mahmudov inson qadr-qimmatining Alloh taoloning nazdida naqadar ulug‘ ekani, yoshlik davrining qadri to‘g‘risida oyati karima va hadisi shariflardan namunalar keltirib ma’ruza qildi. Shuningdek, “Samarqand viloyat ijtimoiy qo‘llab-quvvatlash markazi”ida ham bo‘lib, 45 nafar ko‘ngli o‘ksik nuroniy otaxon va onaxonning xolidan xabar oldi.


Shuningdek, shahar-tuman bosh imom-xatiblari ham taqsimot asosida shahardagi 23 ta masjid imom-xatiblari va 2024 yilda Haj ibodatiga borib kelgan hojilar hamrohligida 30 ta mahallada bo‘lib, joylarda aholining 150 dan ziyod nogironligi bor, kam ta’minlangan, boquvchisini yo‘qotgan va notinch oilalar xonadoniga bordilar. Shuningdek, mahalla markazlarida uyushmagan yoshlar bilan suhbatlar tashkil qilindi. Har bir mahalladagi fuqarolar soni, ijtimoiy holati va muammolari tahlil qilindi.


Shu bilan birga, viloyat ishchi guruhi Samarqand shahridagi 23 ta masjidda peshin namozini o‘qib, yig‘ilgan namozxonlarga dolzarb mavzular yuzasidan ma’ruzalar qildi.


Shundan so‘ng ushbu sayyor uchrashuvda ishtirok etgan diniy soha xodimlari bilan tahliliy yig‘ilish tashkil qilindi. Unda Samarqand shahridagi mahallalarda o‘rganilgan muammolar, diniy sohadagi yutuq hamda kamchiliklar muhokama qilinib, ijroga yo‘naltirildi.


Mazkur yig‘ilishga viloyat bosh imom-xatibi o‘rinbosari Xayrullo domla Sattarov bevosita bosh bo‘ldi. O‘tkazilgan tahliliy yig‘ilishda masjidning hujjat yuritish va obodonchilik bo‘yicha va aholining turli qatlamlaridan o‘rganilgan kamchilik va muammolar hamkor tashkilotlar bilan birga ijroga yo‘naltirish choralari muhokama qilindi. Shuningdek, diniy soha xodimlariga rahbarlar tomonidan aholi bilan yanada yaqinroq ishlash, sohaning rivojini yanada takomillashtirish hamda joylarda diniy vaziyatni yanada sog‘lomlashtirish, muborak Ramazon oyiga barcha masjidlarni tayyorlash va shu kabi dolzarb yo‘nalishlar bo‘yicha kerakli ko‘rsatma hamda topshiriqlar berildi.


Mazkur tadbirdan so‘ng Alloh taolodan elu yurtimiz tinchligi va farovonligini so‘rab xayrli duolar qilindi.

O‘zbekiston musulmonlari idorasi

Samarqand viloyati vakilligi

Matbuot xizmat

Navbatdagi sayyor yig‘ilish Samarqand shahrida o‘tkazildi Navbatdagi sayyor yig‘ilish Samarqand shahrida o‘tkazildi Navbatdagi sayyor yig‘ilish Samarqand shahrida o‘tkazildi Navbatdagi sayyor yig‘ilish Samarqand shahrida o‘tkazildi Navbatdagi sayyor yig‘ilish Samarqand shahrida o‘tkazildi Navbatdagi sayyor yig‘ilish Samarqand shahrida o‘tkazildi Navbatdagi sayyor yig‘ilish Samarqand shahrida o‘tkazildi Navbatdagi sayyor yig‘ilish Samarqand shahrida o‘tkazildi
O'zbekiston yangiliklari
Boshqa maqolalar

Saharlik qilinglar!

11.03.2025   2240   2 min.
Saharlik qilinglar!

Bismillahir Rohmanir Rohiym

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.


Ro‘za tutish uchun saharlikka turish mustahab amal ekanligiga butun ummat ijmo’ qilgan. Uni tark qilgan gunohkor bo‘lib qolmaydi, albatta.

Imom Buxoriy va Imom Muslim Anas roziyallohu anhudan qilgan rivoyatlarida Payg‘ambarimiz sollallohu alayhi vasallam bunday deb marhamat qilganlar:

تسحروا فانّ السحور بركة

«Saharlik qilinglar! Zero, shak yo‘qki, saharlik barakadir!».

Miqdom ibn Ma’dikaraba roziyallohu anhu rivoyatida Payg‘ambarimiz sollallohu alayhi vasallam: «Bu saharlikni o‘zingizga lozim tutinglar! Zero, bu muborak oziqdir», dedilar.

Imom Nasoiy rivoyat qilgan.

Barakaning sababi ro‘zador quvvatli bo‘ladi, xursand bo‘ladi, ro‘za tutishi oson bo‘ladi. Boz ustiga, oxiratdagi savobi ham bor.

Shuning uchun saharlik qilish kerak. U ozgina taom, garchi bir qultum suv bo‘lsa ham kifoya qiladi.


Imom Ahmad Abu Said al-Xudriy roziyallohu anhudan rivoyat qilishicha, Payg‘ambarimiz sollallohu alayhi vasallam marhamat qilganlar:

السحور بركة فلا تدعوه ولو ان يجرع احدكم جرعة ماء فانّ الله وملائكته يصلون على المتسحرين

«Saharlik barakadir. Shuning uchun, hech biringiz uni bir qultum suv ichib bo‘lsa ham tark qilmanglar. Zero, Alloh taolo va uning farishtalari saharlik qiluvchilarga salovot ayturlar».

Saharlik qilishning vaqti tun yarmidan boshlab to tong otgungachadir. Lekin, kechiktirib saharlik qilish avlodir. Ya’ni, tong otishidan sal oldin saharlik tugatilishi yaxshiroq.

 

Zayd ibn Sobit roziyallohu anhu aytadilar: Biz Rasululloh sollallohu alayhi vasallam bilan birga saharlik qilar edik. So‘ng namozga turar edik. «Ikkovining orasi qancha vaqt edi?» – deb so‘raldi.

U: «Ellik oyat o‘qish miqdoricha edi», dedi. 

Imom Buxoriy va Muslim rivoyat qilgan.

 

Tobeinlardan Amr ibn Maymunadan rivoyat qilinadi:

Rasululloh sollallohu alayhi vasallamning as'hoblari odamlar ichida iftorga eng shoshadigani, saharlikni eng kechiktiradigani bo‘lgan ekanlar.

Imom Bayhaqiy rivoyat qilgan.

Ammo, shuni bilmoq kerakki, saharlikni kechiktirganda, agar tong otib ketdi, degan gumon bo‘ladigan bo‘lsa, unda yeb-ichib o‘tirish makruh bo‘ladi. Tong otgani aniq bo‘lganda yeyish esa, ro‘zani buzadi.