Jahon ajoyibotlaridan biri Shaqrof tog‘ qo‘rg‘oni, uning joylashuvi shu qadar noqulayki, unga yetib borishning o‘zi mushkul ish. Qadimgi yamanliklar bu yerga qurilish materiallarini qanday olib chiqqanini tasavvur qilish qiyin.
Bu ajoyib qo‘rg‘on Yaman poytaxti San’o g‘arbidagi Haraz hududida joylashgan. Ushbu inshoot hatto hozirgi zamonaviy texnika va uskunalari mavjud bo‘lgan holatda ham qurish juda qiyin bo‘lgan binolardan hisoblanadi. Chunki bu mintaqaning geografik va tog‘li sharoiti juda qiyin.
Qadimgi inson bu ishni qanday uddalagan?
Qadimgi yamanliklar cheklangan vosita va ilg‘or texnologiyalarsiz, faqat o‘z aqli va mahoratiga tayanib, Shaqrof qo‘rg‘oni kabi muhandislik mo‘jizalarini yaratishgan. Bu buyuk qo‘rg‘on sirlari bilan Misr piramidalariga teng keladigan kashfiyot hisoblanadi.
Yaman – sivilizatsiyalar o‘chog‘i
“Yaman as-Sa’id” (Baxtli Yaman) deb atalgan yurt turli sivilizatsiya, din va madaniyatlarni birlashtirgan. Uning ajoyib tarixiy merosi G‘arbni ilhomlantirib, ilg‘or yamanliklarning sivilizatsiya, ilm-fan, ixtiro, bunyodkorlik, dehqonchilik, astronomiya va dengizchilikdagi muvaffaqiyatlarini o‘rganishga chorlagan.
Shaqrof qo‘rg‘oni insoniyat irodasi va zakovatining buyuk namunasi va u haligacha juda ko‘p sirlarni o‘zida saqlab kelmoqda.
Internet materiallari asosida
I.Ahmedov tayyorladi.
Muborak Ramazon oyida O‘zbekiston musulmonlari idorasi huzuridagi «Vaqf» xayriya jamoat fondi tomonidan amalga oshirilayotgan xayriya tadbirlari salmog‘i ham oshib bormoqda. Bu jarayonda ko‘plab kam ta’minlangan, ehtiyojmand oilalarga, yetim va miskinlarga moddiy va ma’naviy yordam ko‘rsatilyapti.
Yaqinda fondning Farg‘ona viloyati filiali tomonidan tashkil etilgan xayriya tadbirida ham ana shu toifadagi yuzlab oilalarga Ramazon shukuhi kirib bordi.
Tadbir davomida viloyat hududida yashovchi 300 ta ijtimoiy-moddiy yordamga muhtoj oilaga 16 turdagi oziq-ovqat mahsulotlari jamlanmasi manzilma manzil yetkazildi.
Saxovatli homiylarimizdan yagona ROZZAQ rozi bo‘lsin!
O‘zbekiston musulmonlari idorasi
"Vaqf" xayriya jamoat fondi
Matbuot xizmati