Shu yil 3 fevral kuni Malayziya islomni anglash instituti tasarrufidagi IKIT-TV telekanalida Prezident Shavkat Mirziyoyev tashabbusi bilan diniy-ma’rifiy sohada amalga oshirilayotgan tub islohotlar, buyuk mutafakkir allomalarimizning boy ilmiy-ma’naviy merosini chuqur o‘rganish va keng targ‘ib qilish yuzasidan olib borilayotgan ishlar va Yangi O‘zbekistonda tashkil qilingan xalqaro ilmiy tadqiqot markazlari faoliyati hamda yutuqlari haqida hikoya qilinuvchi hujjatli film namoyish etiladi. 

Ushbu munosabat bilan Malayziya islomni anglash instituti raisi Muhammad Nur Manuti Imom Termiziy, Imom Buxoriy, Imom Moturidiy xalqaro ilmiy-tadqiqot markaz rahbarlaridan iborat delegatsiyasini qabul qildi.

Uchrashuvda seminar va konferensiyalar tashkil etish,  hamda hamkorlikda allomalarning ilmiy merosi va qo‘lyozmalarni o‘rganish bo‘yicha tadqiqotlar olib borish kabi  o‘zaro manfaatli kelishuvlarga erishildi.

Imom Termiziy
xalqaro ilmiy-tadqiqot markazi
matbuot xizmati