Shu yil 2-3 fevral kunlari Qashqadaryo viloyati Shahrisabz shahri va Kitob tumanlarida Naqshbandiya tariqatining Oltin silsila pirlari ziyoratgohlari bo‘ylab “Naqshbandiya festivali” o‘tkazildi. Bu haqda viloyat hokimligi Matbuot xizmati xabar berdi.
Festivalga Malayziya, Indoneziya, Singapur, Hindiston, Bruney va Turkiya davlatlaridan 160 nafarga yaqin din peshvolari, diniy ulamolar tashrif buyurishdi.
Dastlab mehmonlar Kitob tumanidagi “Shayx Muhammad Imkanagiy” va “Shayx Muhammad Darvesh Vaxshuvoriy” ziyoratgohlariga hamda Shahrisabz shahrining YUNЕSKO Umumjahon merosiga kiritilgan “Dor ut-tilovat”, “Dor ut-siyodat” hamda “Oqsaroy” majmualari kabi qadimiy obidalar joylashgan tarixiy markaziga tashrif buyurishib, ziyorat amallarini ado etishdi.
O‘zbekiston musulmonlari idorasi
Matbuot xizmati
O‘zbekiston musulmonlari idorasi jamoasi Kotibiyat mas’ul xodimi Muhammadamin qori Xoliqovning padari buzrukvori vafoti munosabati bilan u kishining yaqinlariga chuqur ta’ziya izhor etadi.
Oxirat safariga kuzatilgan otaxon el koriga yaraydigan, dinu diyonat yo‘lida xizmat qiladigan farzand va nevaralarni o‘stirdilar, chiroyli tarbiya qildilar.
Alloh taolo marhum otaxonning barcha solih amallarini o‘zlariga hamroh aylab, O‘z mag‘firatiga olsin. Haq taolo marhum otaxonning yaqinlari, farzandu arjumandlariga chiroyli sabr berib, bu musibatlariga ajru mukofotlar ato etsin.
O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan Muhammadamin qori Xoliqovga, u kishining oila a’zolari, yor-birodarlari, yaqinlariga hamdardlik bildiramiz.
Innaa lillaahi va innaa ilayhi roji’uun.
«Musibat yetganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».
O‘zbekiston musulmonlari idorasi