Shu yil 4 fevral kuni Nukus shahridagi “Imom eshon Muhammad” jome masjidida fevral oyida umra safariga boruvchi fuqarolar bilan uchrashuv bo‘lib o‘tdi.
Unda Din ishlari bo‘yicha qo‘mitaning respublikadagi bosh mutaxassisi N.Jamalov, Qoraqalpog‘iston musulmonlari qoziyoti qozisi B.Razov, Haj va umra masalalari bo‘yicha mutaxassis M.Abbazov va ziyoratchilar guruhi rahbari I.Jaksimuratovlar qatnashdi.
Uchrashuvda Qoraqalpog‘iston musulmonlari qoziyoti qozisi B.Razov ishtirokchilarga ziyorat qilish tartibi, muborak joylar odobiga rioya qilishni ta’kidlash barobarida so‘nggi yillarda yurtimizda, ayniqsa, diniy sohada bo‘layotgan ijobiy o‘zgarishlar haqida so‘zlab berdi.
Qoraqalpog‘iston musulmonlari qoziyoti
Matbuot xizmati
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
عَنْ أَنَسٍ رَضِي اللهُ عَنْهُ: أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ يُصَلِّي الْجُمُعَةَ حِينَ تَمِيلُ الشَّمْسُ. رَوَاهُ أَبُو دَاوُدَ.
Anas roziyallohu anhudan rivoyat qilinadi:
«Nabiy sollallohu alayhi vasallam jumani quyosh oqqan paytda o‘qir edilar».
Abu Dovud rivoyat qilgan.
عَنْ سَلَمَةَ بْنِ الْأَكْوَعِ رَضِي اللهُ عَنْهُ قَالَ: كُنَّا نُصَلِّي مَعَ النَّبِيِّ صَلَّى اللهُ عَلَيْهِ وَسَلَّمَ الْجُمُعَةَ، فنَرْجِعُ وَما نَجِدُ لِلْحِيطَانِ فَيْئًا نَسْتَظِلُّ بِهِ. رَوَاهُ مُسْلِمٌ وَأَبُو دَاوُدَ وَالنَّسَائِيُّ.
Salama ibn Akva’ roziyallohu anhudan rivoyat qilinadi:
«Nabiy sollallohu alayhi vasallam bilan jumani o‘qir va qaytar edik, o‘zimizni soyaga olish uchun devorlarning soyasini topmas edik».
Muslim, Abu Dovud va Nasoiy rivoyat qilishgan.
عَنْ عَمْرِو بْنِ عَبَسَةَ قَالَ: كَرِهَ النَّبِيُّ صَلَّى اللهُ عَلَيْهِ وَسَلَّمَ الصَّلَاةَ نِصْفَ النَّهَارِ إِلَّا يَوْمَ الْجُمُعَةِ؛ فَإِنَّ جَهَنَّمَ تُسْجَرُ إِلَّا فِي يَوْمِ الْجُمُعَةِ. رَوَاهُ أَبُو دَاوُدَ وَالطَّبَرَانِيُّ.
Amr ibn Abasadan rivoyat qilinadi:
«Nabiy sollallohu alayhi vasallam juma kunidan boshqa paytda kunning qoq o‘rtasidagi namozni xush ko‘rmaganlar. Chunki (bu paytda) jahannam juma kunlaridan boshqa vaqtda qizitiladi».
Abu Dovud va Bayhaqiy rivoyat qilgan.
«Juma haqidagi oyat va hadislar» kitobidan