Sayt test holatida ishlamoqda!
11 Iyun, 2025   |   15 Zulhijja, 1446

Toshkent shahri
Tong
03:05
Quyosh
04:49
Peshin
12:28
Asr
17:38
Shom
19:59
Xufton
21:37
Bismillah
11 Iyun, 2025, 15 Zulhijja, 1446
Maqolalar

Yil bo‘yi ro‘zador bo‘lishni istasangiz

24.03.2025   7808   1 min.
Yil bo‘yi ro‘zador bo‘lishni istasangiz

Bismillahir Rohmanir Rohiym

من صام رمضان ثم أتبعه بست من شوال كان كصوم الدهر

Abu Ayyub Ansoriy roziyallohu anhudan rivoyat qilinadi. Rasululloh sollallohu alayhi vasallam: “Kim Ramazon ro‘zasini tutib, ketidan Shavvoldan olti kun ro‘za tutsa, yil bo‘yi ro‘za tutgandek bo‘ladi”, dedilar (Imom Muslim rivoyati).

Ramazon ro‘zasi o‘ttiz kunining o‘n barobari o‘n oy (300 kun), Shavvol oyining olti kun ro‘zasi esa (60 kun) ikki oy bo‘ladi. Jami 360 kun (bir yil)ni tashkil etadi. Natijada, kishi butun yil bo‘yi ro‘za tutgandek bo‘ladi. Alloh taolo Qur’oni karimda bunday marhamat qiladi: “Kimki (bir) hasana (savobli ish) qilsa, unga o‘n barobar (ko‘paytirib yozilur)(An’om” surasi, 160-oyat).

عن ابن عمر رضي الله عنهما أن رسول الله صلَّ الله عليه وسلم قال من صام رمضان واتبعه ستاً من شوال خرج من ذنوبه كيوم ولدته

Ibn Umar roziyallohu anhumodan rivoyat qilinadi. Rasululloh sollallohu alayhi vasallam: “Kim Ramazon ro‘zasini tutib, ortidan Shavvol oyida olti kun ro‘za tutsa, huddi onadan tug‘ilgandek gunohlardan forig‘ bo‘ladi”, deganlar (Imom Tabaroniy rivoyati).

Ulamolar: "Shavvol oyi ro‘zasini oy boshida ketma-ket olti kun yoki oy davomida bo‘lib-bo‘lib tutish ham joiz", deganlar. Imom Ahmad rahmatullohi alayh aytadi: “Shavvol oyi ro‘zasi ketma-ket olti kun tutilsa ham, bo‘lib-bo‘lib tutilsa ham fazilati tengdir”.

Allohim, Rasululloh sollallohu alayhi vasallamning sunnatlariga ergashimizga tavfiq ato et!

Davron NURMUHAMMAD

Maqolalar
Boshqa maqolalar
Yangiliklar

Bo‘lajak hojilarimizning hujjat ishlari yakuniga yetdi

30.05.2025   12002   1 min.
Bo‘lajak hojilarimizning hujjat ishlari yakuniga yetdi

Bugun Madinai munavvaradagi pasport va beydjiklar bilan bog‘liq ishlar nihoyasiga yetdi. Bu ishlarga mas’ul bo‘lgan Rifada shirkati hujjat ishlarida yaqindan ko‘mak bergan o‘zbekistonlik hamkorlarga minnatdorlik bildirdi. Jumladan, “Haj-2025” mavsumida ushbu bo‘lim bilan hamkorlikda ishlagan O‘zbekiston musulmonlari idorasi Kutubxona bo‘limi mudiri Kamoliddin Mahkamov hamda Hadis ilmi maktabi direktori Barot Amonovga tashakkurnoma taqdim etildi.

Bo‘lajak hojilarimizning hujjat ishlari yakuniga yetdi
O'zbekiston yangiliklari