Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Anas roziyallohu anhudan rivoyat qilinadi:

Rasululloh sollallohu alayhi vasallam qachon namozlarini tamomlasalar, o‘ng qo‘llarini peshonalariga surtib so‘ngra:

أَشْهَدُ أَنْ لاَ إِلَهَ إِلاَّ اللهُ الرَّحْمَنُ الرَّحِيمُ اللهُمَّ أَذْهِبْ عَنِّي الهَمَّ وَالْحَزَنَ

«Ashhadu allaa ilaha illallohur rohmanur rohiym. Allohummazhib ’annil hamma val hazan», deb aytardilar.

Ma’nosi: Rahmon va rahim sifatli Allohdan boshqa iloh yo‘q, deb guvohlik beraman. Allohim, mendan g‘am va xafachiliklarni ketkaz (Ibn Sunniy rivoyati).

Imom Navaviyning «Al-Azkor» kitobidan