Bismillahir Rohmanir Rohiym
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
Anas roziyallohu anhudan rivoyat qilinadi:
Nabiy sollallohu alayhi vasallam qachon namozdan forig‘ bo‘lsalar:
اللهُمَّ اجْعَلْ خَيْرَ عُمُرِي آخِرَهُ وَخَيْرَ عَمَلِي خَوَاتِمَهُ وَاجْعَلْ خَيْرَ أَيَّامِي يَوْمَ أَلْقَاكَ
«Allohummaj’al xoyra ’umuriy axirohu va xoyro ’amaliy xovatimahu vaj’al xoyro ayyamiy yavma alqoka», deb aytar edilar.
Ma’nosi: Alohim, umrimning yaxshisini oxiri, amalimning yaxshisini xotimasi va kunlarimning yaxshisini Senga yo‘liqadigan kun qil (Ibn Sunniy rivoyati).
Imom Navaviyning «Al-Azkor» kitobidan
Haj – 2025
Bugun, 26 aprel kuni Toshkent shahar bosh imom-xatibi Aduqahhor domla Yunusov rahbarliklarida poytaxtimizdagi «Shayx Zayniddin» jome masjidi majlislar zalida bu yil guruh rahbari bo‘lib hajga ketayotgan ellikboshilar uchun navbatdagi yig‘ilish o‘tkazildi.
Guruh rahbarlariga Abduqahhor domla Yunusov hajga puxta tayyorgarlik ko‘rish bo‘yicha tushuntirish ishlarini olib bordilar.
Hajga jo‘nashga ham sanoqli kunlar qoldi. Shu bois har ellikboshi o‘z guruhi a’zolari bilan yaqindan tanishib olishi zarurligi yig‘ilishda qayd etildi.
Xayrli duolar bilan yig‘ilish yakunlandi.
O‘zbekiston musulmonlari idorasi
Toshkent shahri vakilligi
Matbuot xizmati