Sayt test holatida ishlamoqda!
14 Iyun, 2025   |   18 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:39
Shom
20:01
Xufton
21:39
Bismillah
14 Iyun, 2025, 18 Zulhijja, 1446
Yangiliklar

Hojilar mahallalarda

07.04.2025   4923   1 min.
Hojilar mahallalarda

Hoji degan sharafli nomga sazovor bo‘lgan, Allohning baytini ziyorat qilib, Islomning beshinchi ruknini ado etgan kishi o‘z manfaatlaridan ko‘ra xalqinikini, Vataninikini ustun qo‘yadi, qo‘ya oladi. Shu bois u har joyda aziz va mukarramdirlar.


Shu yil 3 aprel kuni O‘zbekiston musulmonlari idorasi raisi o‘rinbosari Zayniddin domla Eshonqulov boshchiligida Chirchiq shahridagi «Markaziy» jome masjidida yig‘ilish o‘tkazildi.


Tadbirda Toshkent viloyati bosh imom-xatibi Doniyor domla Ikromov, Chirchiq shahar bosh imom-xatibi, imom-domlalar, hoji otalar, hoji onalar ishtirok etdi.


So‘ngra tadbir ishtirokchilari shahardagi mahallalarga tashrif buyurdilar.


Kam ta’minlangan, boquvchsini yo‘qotgan, o‘zgalar ko‘magiga muhtoj oilalar holidan xabar olinib, ularga zarur ko‘maklar berildi.


Shu bilan birga, adashib turli yot oqimlar, aqidasi buzuq kimsalar ta’siriga tushib qolgan fuqarolar, ayniqsa, yoshlarga ham hoji otalar, hoji onalar zarur tavsiyalar, yo‘l-yo‘riqlar berishdi.


Vatanimiz ravnaqi, yurtimiz tinchligi va osoyishtaligi, mahallalarimiz obodligini so‘rab qilingan xayrli duolar tashriflarga ma’naviy zeb bag‘ishladi.

O‘zbekiston musulmonlari idorasi
Toshkent viloyati vakilligi
Matbuot xizmati

Hojilar mahallalarda Hojilar mahallalarda Hojilar mahallalarda Hojilar mahallalarda Hojilar mahallalarda Hojilar mahallalarda Hojilar mahallalarda Hojilar mahallalarda
O'zbekiston yangiliklari
Boshqa maqolalar
Maqolalar

INSON QADRINING YANA BIR YAQQOL IFODASI

04.06.2025   13299   2 min.
INSON QADRINING YANA BIR YAQQOL IFODASI

Munosabat

Insonning qalbi birgina shirin so‘zdan quvonib, to‘lqinlanib ketadi: yayraydi, yashnaydi, boshqalarga ham ezgulik sog‘inadi, shodlik va baxt ulashadi.

Joriy yilning 31 may sanasida Prezidentimiz Shavkat Mirziyoyev Haj ziyorati uchun Makkai mukarramada bo‘lib turgan O‘zbekiston musulmonlari idorasi raisi, muftiy shayx Nuriddin Xoliqnazar bilan telefon orqali muloqot qilib, hojilar holidan xabar olgani qalblarimizga surur, xursandchilik va shukronalik baxsh etdi. Davlatimiz rahbari barcha ziyoratchilarga salom yo‘llab, yurtimizga sog‘-omon kelishlarini tiladi. Unutilmas bu voqelik hojilarimizni behad sevintirdi.

Shukrki, mamlakatimizda tinchlik-totuvlik barqaror. Har bir inson hayotdan rozi bo‘lib, baxtli-saodatli umr kechirishi uchun barcha imkoniyatlar mavjud. Mehnat qilgan, harakat qilgan farovon hayot kechirmoqda. O‘z orzu niyatlariga yetmoqda. Albatta, bunda osoyishtalik ne’matining o‘rni beqiyos.

Yangi O‘zbekistonning har tongi taraqqiyot tongi sifatida otmoqda. Barcha sohalarda yangilik va yaxshiliklar bo‘lmoqda. Jumladan, Haj va Umra tadbirlarini yuqori saviyada tashkil etish, mo‘min-musulmonlarning ushbu ibodatlarini chiroyli ado etishlari uchun sharoit va qulayliklar yangi bosqichga olib chiqildi.

Xususan, bu yilgi haj mavsumiga yuqori darajada tayyorgarlik ko‘rildi. Makkai mukarrama hamda Madinai munavvara, qolaversa, Mino vodiysida ziyoratchilar uchun barcha sharoit hozirlandi. Issiq kunlarda yurtdoshlarimizga qo‘shimcha qulaylik yaratish maqsadida Arafot hududidagi chodirlar yopiq tarzda barpo etildi. Ularning atrofi issiq o‘tkazmaydigan panellar bilan o‘raldi, ichkariga sovutish tizimi o‘rnatildi, gilam va to‘shaklar solindi.

Mamlakatimiz hojilariga ko‘rsatilayotgan e’tibor, ular uchun yaratilgan qulayliklarni Saudiya Arabistonining haj ishlari mas’ullari va o‘zga yurt hojilari ham e’tirof etib, havas bilan qaramoqda.

Ayni paytda ziyoratchilarga 300 dan oshiq guruh rahbari, 50 nafar oliy toifali shifokor, 10 dan ziyod oshpaz va boshqa mutaxassislar xizmat ko‘rsatib, hamrohlik qilmoqda.

Ziyoratchilarimiz berilayotgan e’tibor va g‘amxo‘rlikdan mamnun bo‘lib,  Yaratgandan mamlakatimiz tinchligi, xalqimiz farovonligini so‘rab duo qilmoqda.

Zotan, yurtimizda “Inson qadri uchun” degan ulug‘vor g‘oya barcha islohotlarning asosini tashkil etayotgan ayni pallada hojilarimiz ham ushbu jarayonga o‘z hissalarini qo‘shish, yurtimizga qaytgandan so‘ng bor kuch-g‘ayratlarini yurt tinchligi va taraqqiyoti, oilalar totuvligini ta’minlash, yoshlar ta’lim-tarbiyasi bilan shug‘ullanish, ehtiyojmandlarga ko‘mak berishdek savobli ishlarga safarbar etishlarini ta’kidlamoqdalar.

 

Zayniddin ESHONQULOV,

O‘zbekiston musulmonlari idorasi raisi

o‘rinbosari.

Maqolalar