HAMDARDLIK
O'zbekiston musulmonlari idorasi jamoasi mehnat faxriysi Tojiddin Suleymanov vafoti munosabati bilan marhumning oila a'zolari va yaqinlariga chuqur ta'ziya izhor etadi.
Alloh taolo marhumni O'z mag'firatiga olsin, iymonlarini salomat qilsin, solih amallarini o'zlariga hamroh etsin. Oxiratlarini obod etib, joylarini Firdavs jannatlaridan qilsin!
Haq taolo marhumning ahli oilasi, farzandu arjumandlar va yaqinlariga chiroyli sabr berib, bu musibatlarini yaxshiliklar ila to'ldirsin.
Inna lillahi va inna ilayhi roji'un!
Mir Arab oliy madrasasi – ilm, ma’rifat va qalb tarbiyasi uyg‘unlashgan maskan
#Mir_Arab_oliy_madrasasi
#Tasavvuf #Ma’rifat #Ilm
Mir Arab oliy madrasasida talabalarga tasavvuf ilmi, uning ma’naviy-axloqiy asoslari va boy ilmiy merosini chuqurroq o‘rganishga xizmat qiluvchi maxsus «Tasavvuf» xonasi tashkil etildi.
Xona tasavvuf ta’limotiga oid ko‘rgazmali ma’lumotlar, ilmiy adabiyotlar hamda tarixiy-ma’rifiy materiallar bilan jihozlangan.
Xususan, unda Xojagon–Naqshbandiylik tariqatining oltin silsilasi shajarasi, Buxoroi Sharifning yetti piri, tasavvufga oid muhim tushunchalar, ta’riflar va mashhur asarlar haqidagi ma’lumotlar o‘rin olgan.
Bu xona talabalar uchun oddiy darsxona emas, balki ajdodlarimizdan meros bo‘lib kelayotgan tasavvufiy tafakkur, odob-axloq, qalb tarbiyasi va ma’naviy kamolotga oid bilimlarni o‘rganishga mo‘ljallangan ma’rifiy muhitdir.
Mir Arab oliy madrasasida bunday ixtisoslashtirilgan xonalarning tashkil etilishi nazariy bilimlarni ko‘rgazmali manbalar bilan uyg‘unlashtirish, talabalarning ilmiy izlanishlarini qo‘llab-quvvatlash va boy ma’naviy merosimizni chuqur o‘rganishga xizmat qiladi.
Mirarab.uz
