Sayt test holatida ishlamoqda!
09 Iyul, 2025   |   14 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:16
Quyosh
04:58
Peshin
12:33
Asr
17:41
Shom
20:02
Xufton
21:37
Bismillah
09 Iyul, 2025, 14 Muharram, 1447
Avvalgi sayt
#search
 YouTube

Birovning telefoniga nazar solish mumkinmi?

30.06.2025   5225   1 min.
Birovning telefoniga nazar solish mumkinmi?

Savol: Birovning telefoni va undagi ma’lumotlarni ruxsatsiz ko‘rish mumkinmi? Chunki ba’zan avtobus, metro kabi ommaviy transport vositalarida ayrim shaxslarning shunday ishlar qilayotganiga guvoh bo‘lib qolamiz?


Javob: Bismillahir Rohmanir Rohiym. Yo‘q, birovning telefonidan uning ruxsatisiz foydalanish yoki undagi ma’lumotlarni o‘qish shar’an to‘g‘ri emas. Bu birovning uyiga ruxsatsiz mo‘ralash, xatiga ruxsatsiz qarash kabidir. Zero, bu ishlar Qur’on va hadislarda man etilgan.

Abdulloh ibn Abbos roziyallohu anhudan rivoyat qilingan hadisda Rasuli Akram sollallohu alayhi vasallam: “Kim birodarining maktubiga uning iznisiz nazar solsa, xuddi do‘zax otashiga nazar solgandek bo‘ladi”, deganlar (Abu Dovud rivoyati).

Ammo agar murabbiy (ota, ustoz va hokazo) qo‘l ostida tarbiyalanayotgan shaxsning to‘g‘ri yo‘ldan og‘ishidan shubha qilsa, u holda tarbiya maqsadida o‘z qo‘l ostidagi shaxsning telefonini tekshirishiga ruxsat beriladi. Balki ular vaqti-vaqti bilan bolalar va ularga tegishli narsalarni nazorat qilib turishlari kerak, toki ular to‘g‘ri yo‘ldan og‘masinlar. Vallohu a’lam.

 

O‘zbekiston musulmonlari idorasi
Fatvo markazi

Boshqa maqolalar
Yangiliklar

Kosonsoyda "Haj – 2025" ziyoratchilari faoliyat boshlandi

08.07.2025   1962   1 min.
Kosonsoyda

7 iyul kuni Namangan viloyati bosh imom-xatibi Musoxon domla Abbasiddinov rahbarligida vakillik xodimlari, tumanlar bosh imom-xatiblari va “Haj – 2025” ziyoratchilaridan tuzilgan ishchi guruh Kosonsoy tumanida faoliyat boshladi.

Uchrashuv “A’loxon Maxdum“ jome masjidida bo‘lib o‘tdi.


Yig‘ilishda tumanlar bosh imom-xatiblari, vakillik xodimlari va ma’naviyat targ‘ibotchisi bo‘lgan hojilar ishtirok etdi. Kosonsoy tumanida amalga oshiriladigan ishlar muhokama qilinib, quyidagi 3 ta yo‘nalish belgilab berildi: 
 

  1. Ziyoratchilarni ma’naviy-ma’rifiy tadbirlarga faol jalb etish;
  2. Masjid boshqaruvi bo‘yicha imom-xatiblarga maslahat va ko‘mak berish;
  3. Peshin namozida dolzarb mavzuda ma’ruza qilish amaliyotini joriy etish.
     

Ishchi guruh mahallalardagi bir necha xonadonlarga tashrif buyurib, aholi holidan xabar oldi. Yoshlar bilan suhbatlar o‘tkazildi, taklif va mulohazalar tinglandi, keksalardan duo olindi.


Loyiha doirasidagi faoliyat Namangan viloyatining boshqa tumanlarida ham davom ettiriladi. 

O‘zbekiston musulmonlari idorasi

Namangan viloyat vakilligi
Matbuot xizmati

 

Kosonsoyda Kosonsoyda Kosonsoyda Kosonsoyda
O'zbekiston yangiliklari
#logo