Bismillahir Rohmanir Rohiym
Allohim, bizga Qur’on sevgisini, Qur’on fazlini, Qur’on nurini, Qur’on sakiynatini, Qur’on shifosini, Qur’on barakasini, Qur’on rahmatini, Qur’on hidoyatini, Qur’on ilmini, Qur’on fahmini, Qur’on rif’at, oliyligini, Qur’on odobini, Qur’on boylik, behojatligini, Qur’on najotini va Qur’ondagi narsaga amal qilishni nasib et!
Allohim, bizni Qur’on bilan tiriltir, hayot ber, Qur’on bilan vafot ettir, Qur’on ustida qayta tiriltir! Qur’onni bizga shafoatchi qil va bizni jannatga Qur’on bilan kiritgin!
Buyuk Britaniyada islom moliyasi sohasida O‘zbekiston biznes missiyasi tashkil etildi
Islom moliyasi sohasidagi hamkorlikni kengaytirish maqsadida O‘zbekiston davlat va xususiy moliya sektori — Markaziy bank, “Biznesni rivojlantirish banki”, “Hayot Bank”, “Anorbank”, “Openbank” va boshqa tuzilmalar vakillari Buyuk Britaniyaga tashrif buyurdilar, deb xabar bermoqda “Dunyo” AA.
O‘zbekistonning Londondagi elchixonasi ma’lumotiga ko‘ra, tashrif doirasida delegatsiya “IFN UK Forum” xalqaro forumida ishtirok etdi. U yerda Yevropa va jahon islom moliyasi hamjamiyati vakillari bilan uchrashuvlar o‘tkazilib, sohani rivojlantirishning dolzarb masalalari muhokama qilindi.
Buyuk Britaniya moliya sektori manfaatlarini ifoda etuvchi “TheCityUK” uyushmasi bilan hamkorlikda Buyuk Britaniya va O‘zbekiston o‘rtasida islom moliyasi sohasidagi hamkorlikni kengaytirishga bag‘ishlangan biznes-tadbir tashkil etildi.
Bundan tashqari, “London Stock Exchange”, “HSBC”, “UK Export Finance”, “Gemcorp Capital” va “Baillie Gifford” vakillari bilan muzokaralar bo‘lib o‘tdi. Asosiy e’tibor O‘zbekistonda investitsiyaviy va infratuzilmaviy loyihalarni amalga oshirishda islom moliyasi instrumentlarini qo‘llash hamda xalqaro moliya institutlari bilan institutsional hamkorlikni mustahkamlashga qaratildi.
O‘zbekiston musulmonlari idorasi Matbuot xizmati
