Shu yil 3 yanvar' kuni O'zbekiston musulmonlari idorasi tasarrufidagi oliy va o'rta maxsus diniy ta'lim muassasalari va ilmiy-tadqiqot markazlari xodimlari bilan Zoom dasturi orqali onlayn seminar o'tkazildi. Unda muassasalarning rahbarlari, mas'ul mutaxassis va xodimlari ishtirok etdi.
O'quv seminar davomida Diniy idora bo'lim mudirlari Salohiddin Sherxonov va Davron Abdurahimov, bo'lim mutaxassisi Abdunosir Bobamirzayev, “Unicon.uz” DUK mas'uliyati cheklangan jamiyat mas'ul xodimi Miraziz Mirvohidovlar ishtirokchilarga tashkilotlarda ijro intizomi, hujjatlar almashinuvi, ish yuritish, onlayn platformadan foydalanish tartib-qoidalari to'g'risida mashg'ulot olib bordi.
Ma'lumot o'rnida O'zbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qo'shimcha chora-tadbirlar to'g'risida”gi farmoni va “ijro.gov.uz” ijro intizomi idoralararo yagona elektron tizimi samarali faoliyat ko'rsatishini ta'minlashga qaratilgan qo'shimcha chora-tadbirlar to'g'risida”gi qarorlari qabul qilingan.
Mazkur hujjatlarga muvofiq “ijro.gov.uz (“edo.ijro.uz”)” elektron hujjat aylanish tizimidan o'zaro ichki hujjat almashinuvida axborot xavfsizligini ta'minlash maqsadida Vazirlar Mahkamasi, vazirlik va qo'mitalar qatorida O'zbekiston musulmonlari idorasi ham foydalanib kelmoqda.
“EDO.IJRO.UZ” ijro intizomi elektron platformasi “UNICON.UZ” DUK tomonidan davlat buyurtmasiga asosan ishlab chiqilgan.
O'zbekiston musulmonlari idorasi
Matbuot xizmati
#xabar #haj2025
Shu kunlarda Makkai mukarramada haj amallarini ado etishga tayyorgarlik ko‘rayotgan ziyoratchilar uchun taniqli ulamolar, imom-domlalar bilan bir qatorda mutaxassis va otinoyilar tomonidan ham ma’rifiy suhbatlar uzviy davom ettirilmoqda.
Jumladan, O‘zbekiston musulmonlari idorasi Xotin-qizlar masalalari bo‘yicha bo‘lim xodimi Munira Abubakirova va Toshkent shahar Yangihayot tumani bosh imom-xatibining xotin-qizlar masalalari bo‘yicha yordamchisi Sijoat Sharipova yurtimizning har bir hududidan kelgan ayol ziyoratchilar ishtirokida suhbatlar o‘tkazmoqda.
Shuningdek, oliy toifali shifokor Muhabbat Saatova ham tibbiy maslahatlar bermoqda.
Ma’rifiy uchrashuvlarda muborak zaminda toat-ibodat, duoyu zikr va ziyorat bilan mashg‘ul bo‘lib turgan diyorimiz ayollariga haj ibodati ruknlari, fazilatlari va safarda ayollarga oid tibbiy masalalar ham atroflicha tushuntirilmoqda. Ularni qiziqtirgan savollarga javoblar berilmoqda.
O‘zbekiston musulmonlari idorasi
Matbuot xizmati