Tokio shahrida Qur'oni karim ma'nolarining yapon tilidagi tarjimasi taqdimoti o'tkazildi.
Tadbirda so'zga chiqqan Turkiya Respublikasi Diyonat ishlari boshqarmasi raisi, doktor Ali Erbosh hazratlari o'tgan asrdan beri musulmon olimlarning Qur'oni karimni olis o'lkalarga etkazish uchun tinimsiz sa'y-harakatlar qilinayotganini ta'kidladi.
Shuningdek, Turkiya Diyonat ishlari boshqarmasi hozirgacha Qur'oni karim ma'nolarining 40 ga yaqin tilga tarjima qilinishini nazorat qilayotganini aytildi.
Marosim davomida 2018 yilda Qur'oni karim ma'nolarini yapon tiliga tarjima qilish ishlari boshlangani va ularning nusxalarini imkon qadar ko'proq odamlarga etkazish maqsad qilingani qayd etildi.
Halqaro aloqalar bo'limi
Joriy yilning 10 may kuni Andijon viloyati bosh imom-xatibi Mirzamaqsud domla Alimov boshchiligida Qo‘rg‘ontepa tumanidagi “Yunus Ali Oxund” jome masjidida viloyatning shahar va tumanlari bosh imom-xatiblari, otinoyilar va hojilar ishtirokida Qo‘rg‘ontepa tumani xamda Xonobod shahrida faoliyat ko‘rsatayotgan masjid imom-xatiblarining faodiyat samaradorligini oshirish yuzasidan sayyor seminar yig‘ilishi o‘tkazildi.
Dastavval seminar ishtirokchilari bo‘lgan shahar-tuman bosh imom-xatiblar, otinoyilar tomonidan o‘zlariga biriktirilgan xonadonlarga kirib, aholi bilan yuzma-yuz ko‘rishib, ularga ma’naviy va moddiy yordamlar ko‘rsatildi. So‘ng esa shahar-tuman bosh imom-xatiblari o‘zlariga biriktirilgan masjidlarda peshin namozini ado etib, namozga kelgan jamoatga ma’rifiy suhbatlar qilib berdilar.
Seminar yig‘ilishida esa notiqlar tomonidan Qo‘rg‘ontepa tumani xamda Xonobod shahridagi masjidlarning faoliyati haqida keng ma’lumotlar berilib, tumanida faoliyat ko‘rsatayotgan imom-xatiblarning faoliyat samaradorligi oshirish bo‘yicha kerakli ko‘rsatma va topshiriqlar berildi.
Shuningdek, tumandagi Masjid imom-xatiblik faoliyatida namunali va faol mexnat qilayotgan imom-xatib viloyat bosh imom-xatibining tashakkurnomasi va esdalik sovg‘asi bilan taqdirlandi.
Seminar yakunlangach esa, qozidomla boshchiligida masjid hududiga yaxshi niyatlar ila o‘n tup manzarali daraxt ko‘chatlari o‘tkazildi.
Andijon viloyat vakilligi Matbuot xizmati