Sayt test holatida ishlamoqda!
04 Iyul, 2025   |   9 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:11
Quyosh
04:55
Peshin
12:33
Asr
17:42
Shom
20:04
Xufton
21:40
Bismillah
04 Iyul, 2025, 9 Muharram, 1447
Avvalgi sayt
#search
 YouTube

Diniy ta'lim muassasalarida yangi o'quv yili boshlandi

05.09.2022   1591   4 min.
Diniy ta'lim muassasalarida yangi o'quv yili boshlandi

Joriy yilning 5 sentyabr' kuni O'zbekiston musulmonlari idorasi tasarrufidagi oliy va o'rta maxsus islom ta'lim muassasalarida yangi 2022-2023 o'quv yili boshlandi. Shu munosabat barcha ta'lim muassasalarida O'zbekiston Respublikasi Mustaqilligining 31 yilligi hamda 2022-2023 o'quv yilining ochilishi munosabati bilan “Yangi O'zbekistonda el aziz, inson aziz!” shiori ostida tadbirlar o'tkazildi.
Bunday tadbir Toshkent islom institutida ham bo'lib o'tdi. Uni Toshkent islom instituti rektori Uyg'un domla G'afurov ochib berdi. Shuningdek, 2022-2023 o'quv yilining ochilishi munosabati bilan o'qituvchi va talabalarni muborakbod etish uchun O'MI Ta'lim va ilmiy-tadqiqot bo'limi mudiri Salohiddin Sherxonov, Toshkent shahar bosh imom-xatibi Sayyid Rahmatulloh Termiziy so'zga chiqib, yangi o'quv yilida barchaga muvaffaqiyat tiladi. Shu bilan birga ilmning fazli haqida so'z yuritdilar.
Tadbir so'ngida o'quv yilining barakali boshlanishi, talabalarning ilm yo'lida muvaffaqiyatlarga erishishlari hamda yurtimiz faravonligi va tinchligini Alloh taolodan so'rab duolar qilindi.
Bunday bayromona yig'ilish «Ko'kaldosh» o'rta maxsus islom ta'lim muassasasida ham bo'lib o'tdi. Tadbirga O'zbekiston musulmonlari idorasi raisi o'rinbosari O'tkir Hasanboyev, Ta'lim va ilmiy-tadqiqot bo'limi mudir o'rinbosari Akbar Do'smatov, Vazirlar Mahkamasi huzuridagi Din ishlari bo'yicha qo'mita Ta'lim bo'limi mas'ul xodimi Nusratullo Nodirov hamda talabalarning ota-onalari va faxriy ustozlar taklif etildi.
Tadbir davomida so'nggi yillarda diniy-ma'rifiy sohada erishilgan yutuqlar haqida so'z yuritilib, barcha din vakillariga bir xil sharoitlar yaratilgani, ajdodlarimiz asarlari avlodlarga etkazish uchun keng ko'lamda ishlar olib borayotgani ta'kidlandi. Ayniqsa, diniy ta'lim sohasida erishilgan yutuqlar birma-bir tilga olindi.
Shuningdek, yig'ilish so'ngida talabalik sharafiga muyassar bo'lgan yoshlarga pandu-nasihatlar berilib, Qur'oni karim tilovat qilindi va xayrli duolar o'qildi.

Qayd etish joizki, yangi o'quv yilining ilk darsi – O'zbekiston Respublikasi Mustaqilligining 31 yillik bayramiga bag'ishlangan “Mustaqillik darsi” bilan boshlandi.

O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

ANKASAM: “Yangi O‘zbekiston: Diniy sohadagi islohotlarning muvaffaqiyat formulasi”

03.07.2025   2784   2 min.
ANKASAM: “Yangi O‘zbekiston: Diniy sohadagi islohotlarning muvaffaqiyat formulasi”

Turkiyaning nufuzli tahlil markazi ANKASAM (Ankara Kriz ve Siyaset Araştırmaları Merkezi) mamlakatimizda vijdon erkinligini ta’minlash, diniy ta’limni takomillashtirish, islom merosini ilmiy asosda o‘rganish va jahonga tanitishga qaratilgan keng qamrovli ishlarga yuqori baho berdi.

Turkiyaning nufuzli tahlil markazi ANKASAM (Ankara Kriz ve Siyaset Araştırmaları Merkezi) O‘zbekistonda so‘nggi yillarda diniy-ma’rifiy sohada amalga oshirilayotgan islohotlarga bag‘ishlangan tahliliy maqola e’lon qildi. 


“Yangi O‘zbekiston: Diniy sohadagi islohotlarning muvaffaqiyat formulasi” deb nomlangan ushbu tahliliy maqolada mamlakatimizda vijdon erkinligini ta’minlash, diniy ta’limni takomillashtirish, islom merosini ilmiy asosda o‘rganish va jahonga tanitishga qaratilgan keng qamrovli ishlarga yuqori baho berilgan.


ANKASAMga ko‘ra, O‘zbekistonda qabul qilingan yangi siyosat va inson qadrini ustuvor qiymat sifatida belgilagan yondashuv so‘nggi yetti yilda diniy sohada chuqur, tizimli islohotlarni amalga oshirishga poydevor bo‘ldi. Xususan, tahlilchilarning tomonidan davlat va din munosabatlarini demokratiya va ma’rifat asosida qayta yo‘lga qo‘yish, diniy ta’lim muassasalarini xalqaro andozalarga mos ravishda rivojlantirish, ilm-fan va ma’rifatni islom dini bilan uyg‘unlashtirish yo‘lidagi sa’y-harakatlar e’tirof etilgan.

Maqolada ayni paytda O‘zbekistonda faoliyat yuritayotgan O‘zbekistondagi Islom sivilizatsiyasi markazi, Imom Buxoriy va Imom Moturidiy  xalqaro ilmiy-tadqiqot markazlari, Hadis ilmi maktabi, Mir Arab oliy madrasasi, O‘zbekiston xalqaro islom akademiyasi kabi muassasalarning faoliyati, ular orqali islom dinining haqiqiy insonparvarlik va ma’rifiy mohiyati keng yoritilayotgani ta’kidlangan. Ushbu markazlar faqat diniy emas, balki ilmiy-tadqiqot, madaniy-tarixiy merosni saqlash va ommalashtirish vazifasini ham bajarmoqda.

ANKASAM tahliliga ko‘ra, Yangi O‘zbekistonda amalga oshirilayotgan diniy-ma’rifiy islohotlarning muvaffaqiyati – bu siyosiy iroda, strategiyali yondashuv, ilmiy asos va xalqaro hamkorlikni o‘zida uyg‘unlashtirgan modeldir. Shu jihatdan, O‘zbekiston tajribasi mintaqa davlatlari va islom olami uchun o‘rganishga arziydigan namunalardan biri sifatida e’tirof etilmoqda.

ANKASAM kabi xalqaro nufuzga ega tahlil markazlari tomonidan bu kabi tahliliy maqolalar e’lon qilinishi O‘zbekistonda amalga oshirilayotgan islohotlarning ochiqligi, xalqaro standartlarga mosligi va jahon hamjamiyati tomonidan e’tirof etilayotganini yana bir bor tasdiqlaydi.

https://cisc.uz/ky/news-item/328/