Turkiya poytaxti Anqara shahridagi Yesertepe masjidi qurilish boshlanganidan 11 yil o'tib nihoyat ochilish arafasida. Uning arxitekturasi o'ziga xos bo'lib, 6 qavatdan iborat va u turar-joy binosiga biriktirilgandek bunyod etilgan. Bu haqda islam.ru ma'lum qilgan.
Usmonlilar davri masjidlarining eng yaxshi namunalari joylashgan bir mamlakatda, olti qavatli masjid o'zining g'alati arxitekturasi bilan tanqidga uchradi, dizaynerlar esa qurilgan landshaftning tabiati tufayli uni zarurat sifatida himoya qildilar.
“Tashqi ko'rinishiga ko'ra masjidga o'xshamasa-da, ammo hozir masjidimiz hududimiz uchun eng yaxshi diqqatga sazovor maskanga aylandi”, dedi mahalliy aholi vakili Adnan Ardich Ihlas axborot agentligiga (IHA).
O'zbekiston musulmonlari idorasi Matbuot xizmati
Bugun Urganch shahar bosh imom-xatibi Hasanboy domla Kenjayev boshchiligida Gurlan tumanidagi “Usmon Said bobo” jome masjidida ma’naviy-ma’rifiy yig‘ilish o‘tkazildi.
Unda imom-xatiblar, vakillik xodimlari, tuman bosh imom-xatiblari va otinoyilari, shuningdek, “Haj – 2024” ziyoratchilari, mahalla raislari ishtirok etdi.
So‘ngra hududdagi oilalarga kirilib, ehtiyojmand, boquvchisini yo‘qotgan, kam ta’minlangan, nogironligi bor oilalar holidan xabar olindi. Ayrim sabablarga ko‘ra arazlashib qolgan oilalar imomlar, hojilarning hayot tajribasidan kelib chiqqan gaplaridan ta’sirlanib, yarashib oldilar.
Shuningdek, adashib aqidasi buzuq kimsalar tuzog‘iga tushib qolgan fuqarolar bilan ham suhbatlar o‘tkazilib, ularga islomning sof ta’limoti haqida ma’lumotlar berildi.
Bunday xayrli ishlar, ya’ni xalqqa xizmat qilib, odamlarni rozi qilish, Haqning roziligiga sabab bo‘ladi, inshoalloh.
So‘ngra imomlarning yo‘nalishga doir amalga oshirgan ishlari ko‘rib chiqildi.
Xayrli duolar bilan tashrif o‘z nihoyasiga yetdi.
O‘zbekiston musulmonlari idorasi
Xorazm viloyati vakilligi
Matbuot xizmati