Ikki Muqaddas Masjid Bosh raisligi ma'lum qilishicha, Makkadagi Masjidul Haromning 210 ta darvozasiga mo'minlarga xizmat ko'rsatishni yaxshilash uchun 600 dan ortiq xodim joylashtirilgan. Bu haqda islam.ru ma'lum qilgan.
Masjid Harom darvozalari bo'limi boshlig'i Fahad Al-Malikiyning aytishicha, darvoza xodimlari ziyoratchilar va namozxonlar masjidga yuk, oziq-ovqat va boshqa taqiqlangan narsalarni olib kirmasligini, uning tozaligini, odamlarning qulay va xavfsiz ibodat qilishlarini ta'minlaydi.
Uning qo'shimcha qilishicha, masjiddagi darvozalarning nomlari va raqamlari namozxonlarning adashib qolishining oldini oladi hamda ularning harakatlanishi va chiqishini osonlashtiradi.

O'zbekiston musulmonlari idorasi Matbuot xizmati