Sayt test holatida ishlamoqda!
18 Yanvar, 2025   |   18 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:22
Quyosh
07:45
Peshin
12:38
Asr
15:41
Shom
17:25
Xufton
18:43
Bismillah
18 Yanvar, 2025, 18 Rajab, 1446
Avvalgi sayt
#search
 YouTube

Qur'oni karim tafsir qilinishga muhtojmi? (10-qism)

8.08.2022   2311   3 min.
Qur'oni karim tafsir qilinishga muhtojmi? (10-qism)

Qur'oni karim oyatlarini tafsir, sharhlashga ehtiyoj bormi? Binobarin Qur'oni karimning qator oyatlarida Alloh taolo oyatlarni tushunish va fahmlash oson, engil ekanligi ta'kidlangan-ku? Bundan go'yoki Qur'on oyatlarini tushuntirishga hojat yo'qdek ko'rinadi. Biroq, oyatlar diqqat bilan o'rganilsa, Qur'oni karimda ikki xil hodisa va narsalar bayon etilishi ma'lum bo'ladi.

Ulardan biri oddiy voqelikka taalluqli bo'lib, oldingi payg'ambarlar, ularning xalqlari bilan bog'liq tarixiy voqealar, Allohning ne'matlari, osmon va erning yaratilishi, ilohiy qudrat va hikmat, do'zax azoblari haqidagi hamda boshqa xabarlarni o'z ichiga oladi.

Ikkinchisi esa, shariat ahkomlari, ixtilofli masalalarni o'z ichiga oladi.

Qur'onda zikr (dars, va'z, nasihat) deb nomlangan birinchi turdagi mavzuni, shubhasiz, tushunish oson, hatto savodsiz dehqon ham undan o'zi manfaat topishi mumkin. Bu haqda Qur'oni karimda bunday deyilgan:

وَلَقَدۡ يَسَّرۡنَا ٱلۡقُرۡءَانَ لِلذِّكۡرِ فَهَلۡ مِن مُّدَّكِرٖ ٢٢

"Biz Qur'onni zikr (eslatma) uchun oson qilib qo'ydik. Bas, eslatma oluvchi bormi?!"(Qamar surasi, 22-oyat).

Oyatdagi "Zikr uchun" so'zi asosiy diqqatini Qur'ondan o'rganishga qaratadi va faqat shu maqsadda oson, degan ma'noni anglatadi, lekin hech qanday holatda bu osonlik qonunlar va ta'limotlarning talqini bilan bog'liq emas. Agar bu turdagi narsalar va hodisalarning ta'birini har kim bilsa edi, Alloh taolo Payg'ambarimizga Kitobni o'rgatish va tushuntirish vazifasini yuklamagan bo'lardi.

Yuqorida ta'kidlanganidek, Qur'on oyatlarini tushuntirish, sharhlashda Payg'ambar alayhissalomga muhtoj bo'linadi. Alloh taolo bu haqda bunday marhamat qiladi:

وَتِلۡكَ ٱلۡأَمۡثَٰلُ نَضۡرِبُهَا لِلنَّاسِۖ وَمَا يَعۡقِلُهَآ إِلَّا ٱلۡعَٰلِمُونَ ٤٣

"Ushbu misollarni Biz odamlar (ibrat olishlari) uchun ayturmiz. (Lekin) ularni faqat olimlargina anglagaylar" (Ankabut surasi, 43-oyat).

Shunday qilib, birinchi turga oid oyatlarni tushunish osonligi, Qur'ondagi amrlarning qonuniy va amaliy xulosalarini aniqlab beradigan payg'ambarga ehtiyojni istisno qilmaydi.

 

Muftiy Muhammad Taqiy Usmoniy hafizahullohning

"Islom shariatida sunnatning o'rni" kitobidan

Tarjimon: Davron NURMUHAMMAD

 

1-qism, 2-qism, 3-qism, 4-qism, 5-qism, 6-qism, 7-qism, 8-qism, 9-qism, Davomi bor...

Maqolalar
Boshqa maqolalar

Tahorat olganda gunohlar yuviladimi?

14.01.2025   3080   2 min.
Tahorat olganda gunohlar yuviladimi?

“Musulmon banda tahorat olganida tana a’zolari poklanishidan tashqari gunohlari ham kechiriladi”, deb eshitganmiz. Bunga dalil bo‘luvchi hadislar bor-mi?

Usmon ibn Affon roziyallohu anhudan rivoyat qilinadi. Rasululloh sollallohu alayhi vasallam: “Kim tahoratni mukammal ado etsa, gunohlari tanasidan, hatto tirnoqlari ostidan chiqib ketadi”, deganlar (Imom Muslim, Imom Nasoiy, Imom Ahmad, Imom Tabaroniy, Imom Bayhaqiy rivoyati).

Odatda, ochiq a’zolardagi kirlar yopiq turgan yoki tirnoq ostida yig‘ilgan kirlarga nisbatan oson poklanadi. Tirnoq ostidagi kirlarni tozalash uchun alohida e’tibor talab etiladi. Bu yerda banda tirnog‘i ostidagi gunohlar ham kechirilishi aytilmoqda. Bu esa tahorat sababidan Alloh va banda o‘rtasidagi kichik gunohlarning birontasi ham qolmay kechirilishiga dalolat qiladi.

Abu Umoma roziyallohu anhu Rasululloh sollallohu alayhi vasallamdan rivoyat qiladi: “Agar musulmon banda tahorat qilsa, gunohlari qulog‘idan, ko‘zidan, ikki qo‘lidan, ikki oyog‘idan chiqib ketadi. Agar o‘tirsa, gunohlari kechirilgan holda o‘tiradi” (Imom Ahmad, Imom Tabaroniy “Avsat”da va Imom Bayhaqiy rivoyati).

Banda tahoratini risoladagidek bajarsa, qulog‘i, ko‘zi, qo‘li va oyog‘i sodir etgan gunohlari kechiriladi. Agar u tahorat qilib bo‘lsa, bironta ham gunohi qolmaydi.

Abdulloh Sunobihiy roziyallohu anhu Rasululloh sollallohu alayhi vasallamdan rivoyat qiladi: “Agar mo‘min banda tahorat qilib, og‘zini chaysa, og‘zidan gunohlari chiqib ketadi. Agar burniga suv olib qoqsa, burnidan gunohlari chiqib ketadi. Agar yuzini yuvsa, yuzidan, hatto ikki ko‘zining chetidan gunohlari chiqib ketadi. Agar ikki qo‘lini yuvsa, qo‘lidan, hatto qo‘lining tirnoqlari tagidan gunohlari chiqib ketadi. Agar boshiga mas'h tortsa, boshidan, hatto ikki qulog‘idan gunohlari chiqib ketadi. Agar ikki oyog‘ini yuvsa, oyog‘idan, hatto oyog‘ining tirnoqlari ostidan gunohlari chiqib ketadi. So‘ngra masjidga borishi, (o‘qigan) namozi unga qo‘shimcha (savob) bo‘ladi” (Imom Nasoiy, Imom Ibn Moja, Imom Molik, Imom Ahmad, Imom Hokim rivoyati).

Ma’lumki, tahorat bilan namoz banda gunohlariga kafforat bo‘ladi. Agar tahoratni mukammal qilib, xushu bilan namoz o‘qilsa, bu namoz orqali banda ko‘p ajrlarga erishadi.