Sayt test holatida ishlamoqda!
03 Iyul, 2025   |   8 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:10
Quyosh
04:55
Peshin
12:32
Asr
17:42
Shom
20:04
Xufton
21:40
Bismillah
03 Iyul, 2025, 8 Muharram, 1447
Avvalgi sayt
#search
 YouTube

Muftiy hazratlari tomonidan qayta qurilayotgan olti ming o'rinli masjid poydevoriga ilk g'isht qo'yildi

28.03.2022   1725   4 min.
Muftiy hazratlari tomonidan qayta qurilayotgan olti ming o'rinli masjid poydevoriga ilk g'isht qo'yildi

Bugun, 28 mart kuni Toshkent shahri Yashnobod tumanida joylashgan “Go'zal” jome masjidining yangi binosiga ilk g'isht qo'yish marosimi bo'lib o'tdi. Unda O'zbekiston musulmonlari idorasi raisi, muftiy Nuriddin domla hazratlari boshchiligidagi bir guruh ulamolar, imom-xatiblar, faxriy domlalar va mahalla faollari ishtirok etdi.

Tadbir avvalida Qur'oni karim oyatlari tilovat qilinib, Muftiy hazratlari yaxshi niyat va duolar bilan jome masjid poydevoriga tamal toshini qo'yib, bu xayrli tashabbusga xizmat qilayotgan kishilar haqiga duo qildilar.

– Masjidimiz o'tgan asrning 90-yillarida 500-600 kishiga mo'ljallab qurilgan, – deydi “Go'zal” jome masjidi imom-xatibi Muhammadravshan Raimqulov. – Biroq bugun mahallamiz ham kengayib, aholimiz soni ham oshib bormoqda. Masjidimiz esa mahalla ehtiyojini qondira olmayapti. Ayniqsa, juma namozlarida ko'plab namozxonlar masjidga tashqarisida namoz o'qishga to'g'ri kelyapti. Qolaversa, namozxonlar uchun boshqa sharoitlar ham u qadar qoniqarli emas edi. Shu bois mahalla faollari va mutasaddilar bilan kelishgan holda masjidni qaytadan qurishni maqsad qildik. Buzish ishlarini o'tgan yilnin avgustida boshlagan bo'lsak, endilikda yangi inshootning poydevoriga ilk g'ishtini qo'ymoqdamiz. Inshaalloh, masjidimiz kelgusi yilning oxirlarida ishga tushadi.

Homiylar va xashar yo'li bilan bunyod etilayotgan masjid milliy me'morchilik yo'nalishida qurilayotgan bo'lib, 6000 namozxonga mo'ljallanmoqda. Aholiga qulay bo'lishi uchun zamonaviy qurilish ashyolariyu jihozlardan foydalanishga harakat qilinmoqda. Kelgusida masjidda keng va yorug' xonaqoh, ayollar uchun alohida namozxona, tahoratxona, 35 metrli minora, kutubxona, alohida majlislar zali, sartaroshxona, avtoturargoh, kitob do'koni va shu kabi bir qator qulayliklarga ega majmua barpo etiladi.

Tadbir davomida muftiy hazratlari qurilish jarayoni bilan tanishdilar, jome poydevoriga ilk g'ishtni qo'yib berdilar, loyiha va rejalar bo'yicha usta, mutaxassislar bilan maslahatlashdilar, homiylarga minnatdorlik bildirib, masjid barpo qilishda yordam berayotgan barchaning haqiga duo qildilar.

O'zbekiston musulmonlari idorasi matbuot xizmati

O'zbekiston yangiliklari
Boshqa maqolalar
Yangiliklar

Toshkent islom instituti magistratura va modul tizimiga qabul e’lon qilinadi

30.06.2025   5679   2 min.
Toshkent islom instituti magistratura va modul tizimiga qabul e’lon qilinadi

#xabar #elon #modul #magistratura
O‘zbekiston musulmonlari idorasi Ta’lim va ilmiy-tadqiqot bo‘limi 2025-2026 o‘quv yili uchun Toshkent islom instituti magistratura bosqichi va modul ta’lim tizimiga talabgorlardan hujjatlarni qabul qilish sanalarini ma’lum qiladi: 
 

 Modul ta’lim tizimiga 2025 yil 1 iyuldan 20 iyulgacha;
 Magistratura bosqichiga 2025 yil 1 iyuldan 30 iyulgacha. 


Xorijiy davlatlardagi oliy diniy ta’lim muassasalarini tamomlagan va mamlakatimizda nostrifikatsiyadan o‘tkazilgan diplomga ega bo‘lgan abituriyentlar (O‘zbekiston Respublikasi fuqarolari) ham hujjat topshirishlari mumkin.


Imom Buxoriy nomidagi Toshkent islom institutining magistratura bosqichiga o‘qishga kirish istagida bo‘lgan talabgorlar Qabul hay’atiga quyidagi hujjatlarni taqdim etadi: 
 ta’lim muassasasi rektori nomiga ariza;
 pasport yoki ID karta nusxasi (asli ko‘rsatiladi);
 oliy diniy ta’lim muassasasini tamomlagani to‘g‘risidagi hujjat (diplom) va uning ilovasi nusxasi (asli ko‘rsatiladi);
 3,5 x 4,5 hajmdagi 6 dona rangli fotosurat (so‘nggi uch oyda olingan va orqa foni oq rangda bo‘lishi talab etiladi).


Imom Buxoriy nomidagi Toshkent islom instituti Modul ta’lim tizimiga o‘qishga kirish istagida bo‘lgan talabgorlar Qabul hay’atiga quyidagi hujjatlarni taqdim etadi: 
 ta’lim muassasasi rektori nomiga ariza;
 pasport yoki ID karta nusxasi (asli ko‘rsatiladi);
 o‘rta maxsus islom ta’lim muassasasini tamomlagani to‘g‘risidagi hujjat (diplom) va uning ilovasi asl nusxada;
 3,5 x 4,5 hajmdagi 6 dona rangli fotosurat (so‘nggi uch oyda olingan va orqa foni oq rangda bo‘lishi talab etiladi);
 ish joyi bo‘yicha O‘zbekiston musulmonlari idorasining Qoraqalpog‘iston Respublikasi qoziyoti, viloyatlar va Toshkent shahar vakilidan tavsiyanoma;
 mehnat daftarchasi nusxasi (tasdiqlangan holda).


Eslatib o‘tamiz: Modul ta’lim tizimiga o‘rta maxsus islom ta’lim muassasalarini tamomlagan hamda to‘rt yil va undan ortiq muddat davomida O‘zbekiston musulmonlari idorasi tizimidagi masjidlarda faoliyat yuritayotgan imom-xatib va imom noiblari tanlov asosida o‘qishga qabul qilinadi.


2025-2026 o‘quv yili qabul jarayonlari haqidagi so‘nggi yangiliklarni @qabulmuslimuz (https://t.me/qabulmuslimuz) telegram sahifasida kuzatib boring. 

O‘zbekiston musulmonlari idorasi
Matbuot xizmati

MUSLIM.UZ GA  OBUNA BO'LING (https://t.me/+PSOPDevNs2Va-wt7)  VA ULASHING (https://telegram.me/share/url?url=https://t.me/muslimuzportal)

 YouTube (https://www.youtube.com/@Muslimuzz/featured) | Instagram (https://www.instagram.com/muslimuzportali/) | Facebook (https://www.facebook.com/muslimuzportal)

O'zbekiston yangiliklari
#logo