Мамлакатимизда анъанавий тарзда ўтказиб келинаётган олий ўқув юртларига қабул имтиҳонлари доирасида 2021 йил 23 июль куни Ҳадис илми мактабида 2021-2022 ўқув йили учун “Ҳадис ва мусталаҳул ҳадис” ва “Араб тили” фанлари бўйича ижодий имтиҳонлари бошланди. Эрта тонгдан абитурентлар, имтиҳонларда иштирок эдагидан профессор-ўқитувчилар ва мактаб жамоаси иштирокида тадбир бўлиб ўтди.

Тадбирда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари, Халқаро ислом академияси ректори Музаффар Комилов, Ўзбекистон мусулмонлари идораси раисининг биринчи ўринбосари Ҳомидхон Ишматбеков иштирок этди.

Ҳадис илми мактаби ректори Олимхон Юсупов тадбирни кириш сўзи билан очиб, қабул имтиҳонларига тайёргарлик жараёнлари, имтиҳонларда абитуриентларга яратилган шароитлар ҳақида маълумот бериб ўтди.

Тадбирда иштирок этган Музаффар Комилов, Ҳомидхон Ишматбековлар Ҳадис илми мактабининг ташкил этилиш мақсад ва вазифаларига алоҳида тўхталиб ўтиб, келажакда мазкур даргоҳдан буюк алломаларимиз Имом Бухорий, Имом Термизий, Имом  Доримий каби алломалар етишиб чиқиши учун эзгу тилаклар билдириб ўтилди. Қабул имтиҳонларини юқори савияда ташкил этиш, имтиҳонларни шоффоф, очиқ ва ошкора ўтказилишини таъминлаш, абитуриентларнинг энг билимлиларини саралаб олиш асосий мақсад экани алоҳида таъкидлаб ўтилди.

Шунингдек, Дин ишлари бўйича қўмита Диний таълим муассасалари ва илмий-тадқиқот марказлари билан ишлаш бўлими бошлиғи Б.Рустамов, Ўзбекистон мусулмонлари идораси Таълим ва илмий-тадқиқот бўлими мудири С.Шерхоновлар томонидан ижодий имтиҳон ва тест синовлари учун тайёрланган қабул метериаллари, ижодий имтиҳоларни ўтказиш тартиби, баҳолаш мезонлари ҳақида маълумотлар бериб ўтилди.

Эслатиб ўтамиз, Ҳадис илми мактабига ҳужжат топширган абитуриентлар учун “Ўзбекистон тарихи” фани бўйича тест синовлари эртага 24 июль куни бўлиб ўтади. 

Ҳaдис илми мaктaби матбуот хизмати

Ўзбекистон мусулмонлари идораси раисининг ўринбосари И.Иномов ва Ўзбекистон мусулмонлари идораси раисининг маслаҳатчиси С.Шарипов Самарқанд шаҳридаги “Шоҳи Зинда” жоме масжидига ташриф буюриб, намозхонлар билан дилдан суҳбатлашдилар.

Мўмин-мусулмонларга сўнгги йилларда юртимизда диний-маърифий соҳада амалга оширилаётган ислоҳотлар ҳақида гапириб, шукрнинг фазилатини баён этдилар.

Ташрифлар давом этмоқда...

Бугун, 22 июль куни юртимизнинг таниқли уламолари Самарқанд вилояти Самарқанд шаҳри, Самарқанд тумани, Нуробод ва Пастдарғом туманларига ташриф буюришади.

Бугуннинг ўзида

“Хўжа Исҳоқи Валий” жоме масжидига
Ш.Миноваров – Ўзбекистон Республикаси Президентининг маслаҳатчиси;
Исмоил Муҳаммад Содиқ – Тошкент шаҳри “Шайх Муҳаммад Содиқ Муҳаммад Юсуф” масжиди имом-хатиби;
З.Эшонқулов – Самарқанд вилояти бош имом-хатиби.

“Хўжа Абду Дарун” жоме масжидига
Э.Эсонов - Ўзбекистон мусулмонлари идораси бўлим бошлиғи;
З.Маҳмудов – шаҳар бош имом-хатиби.

“Шоҳи Зинда” ва " Қўшбаққоли " жоме масжидларига
И.Иномов – Ўзбекистон мусулмонлари идораси раисининг ўринбосари;
С.Шарипов – Ўзбекистон мусулмонлари идораси раисининг маслаҳатчиси;
Б.Шарипов – Самарқанд туман бош имом-хатиби.

“Хўжа Зудмурод” ва "Намозгоҳ" жоме масжидларига
М.Комилов – Дин ишлари бўйича қўмита раисининг биринчи ўринбосари;
З.Мирсодиқов – Тошкент шаҳри “Бўта бува” масжиди имом ноиби;
Х.Саттаров–Самарқанд вилояти бош имом-хатиби ўринбосари.

"Хўжа Аҳрори вали " ва “Имоми Аъзам” жоме масжидларига
Ш.Ҳақбердиев – Ургут туман бош имом хатиби;
Ф.Убайдуллаев – Тошкент шаҳар “Минор” масжиди имом-хатиби;

"Жом ота" ва "Сарикўл" жоме масжидларига
А.Юнусов – Тошкент шаҳар бош имом-хатиби ўринбосари;
Ф.Аллаёров – Яшнобод тумани бош имом-хатиби;
Т.Амиров – Самарқанд шаҳар Руҳобод масжиди имом-хатиби.

"Оқсой" ва "Бахоуддин Нақшбанд" жоме масжидларига
Ҳ.Қодиров – Тошкент шаҳри “Сирожи Солиҳ” масжиди имом-хатиби;
А.Юлдашев – Тошкент шаҳар Олмазор тумани бош имом-хатиби;
А.Муродов – Булунғур тумани “Оломон” жоме масжиди имом-хатиби

"Нурул Ислом" ва "Мулла Аҳрор" жоме масжидларига
Э.Рустамов – Чилонзор тумани бош имом-хатиби;
Й.Каримов – Тошкент шаҳар “Исломота” масжиди имом хатиби;
Ў.Умирқулов – Самарқанд шаҳар “Лаҳутий” жоме масжиди имом-хатиби

ЎМИ Самарқанд вилоят вакиллиги матбуот хизмати