Ўзбекистон Республикаси Президенти Шавкат Мирзиёев 6 ноябрда “Мева-сабзавот маҳсулотлари, узум, полиз, дуккакли экинлар, шунингдек, қуритилган сабзавот ва меваларни маҳаллий экспорт қилувчиларни қўллаб-қувватлаш бўйича қўшимча чора-тадбирлар тўғрисида”ги қарорни имзолаган эдилар.

Ушбу қарорни имзолашдан мақсад ташқи иқтисодий фаолиятни янада либераллаштириш, экспорт қилинадиган янги мева-сабзавот маҳсулотлари, узум, полиз, дуккакли экинлар, шунингдек, қуритилган сабзавот ва меваларнинг ҳажмини кўпайтириш ва турларини кенгайтириш учун қулай шарт-шароит яратиш, маҳаллий мева-сабзавот маҳсулотларининг жаҳон бозорларида рақобатбардошлигини ошириш эди.

Қарорга асосан “Ўзстандарт” агентлигига қатор вазифалар юклатилган бўлиб, шулардан бири сифатида Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, бошқа манфаатдор вазирлик ва идоралар билан биргаликда йигирма кун муддатда республикада халқаро стандартларни жорий этиштопширилган эди.

Қарорда “ISO 22000”, “Ҳалол” стандартларини жорий этиш ва уни кейинчалик қўллаш бўйича чора-тадбирлар дастурини ишлаб чиқиш Агентликка юклатилди. Агентлик ўзи ишлаб чиққан дастур лойиҳасини Вазирлар Маҳкамасига киритади.

Луқмани ҳалоллиги егуликни тоза, покиза бўлишлиги ҳамда ўша егуликни келишлигига сабаб бўладиган маблағнинг ҳам ҳалол йўл топилишига боғлиқдир.

Аллоҳ таоло Қурони Каримда

يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا

“Эй инсонлар ер юзидаги ҳалол- пок нарсалардан енглар” ушбу ояти каримада Аллоҳ таоло барча инсониятни ҳалол покиза нарсаларни ейишга чақирмоқда. Бунда жуда кўп буюк ҳикматлар бор. Булардан инсиноят ҳаётини давомийлиги, умрларини узоқ бўлишлиги, ҳамда барча роҳатлик ва манфаатлик лаззатлар ҳалол покиза нарсаларда мужассамдир.

Аллоҳ таоло бошқа бир оятда

يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا إِنِّي بِمَا تَعْمَلُونَ عَلِيمٌ

“Эй пайғамбарлар, ҳалол-покиза таомлардан енглар ва солиҳ амаллар қилинглар” деб буюради (“Бақара” сураси, 172-оят).

Абу Ҳурайра (розияллоҳу анҳу)дан ривоят қилинади: Айтдилар “Аллоҳ покдир ва фақат покиза нарсаларни қабул қилади. Албатта Аллоҳ таоло пайғамбарларига нимани буюрган бўлса мўминларга ҳам ўшани буюрди”.

Бугун, 8 ноябрь куни Тошкент шаҳрида ташкил этилган “Йил имоми-2017” кўрик танлови ғолиби аниқланди.

Унга кўра, Тошкент шаҳар Шайхонтоҳур тумани “Оқилон” жоме масжиди имом-хатиби Исомиддин Аҳроров биринчи ўринни қўлга киритди.

Ғолибга Ўзбекистон мусулмонлари идорасининг биринчи даражали дипломи ва ноутбук компьютери топширилди.

Тошкент вилояти Қибрай тумани “Саъдулла ота” жоме масжиди имом-хатиби Обиджон Мирҳамидов иккинчи ўринни қўлга киритди, унга Ўзбекистон мусулмонлари идорасининг иккинчи даражали дипломи ва LCD Телевизор тақдим этилди.

Навоий вилояти Нурота тумани “Чил Устун” жоме масжиди имом-хатиби Жамолиддин Мубинов учинчи ўринни қўлга киритди. Ўзбекистон мусулмонлари идорасининг учинчи даражали дипломи ва кичик иситгич печ берилди.

Ғолиблар ва иштирокчиларга кўрик танлов ҳомийлари бўлган Ўзбекистон мусулмонлари идораси, Муқаддас қадамжоларни сақлаш ва обод этиш хайрия жамғармаси, “Мовароуннаҳр” нашриёти ва Тошкент шаҳридаги “Қўйлиқ ота” жоме масжиди томонидан қимматбаҳо совғалар топширилди.

Ўзбекистон мусулмонлари идораси
матбуот хизмати

Ушбу сурат охирги 10 йилдаги энг таъсирли сурат ҳисобланади. Сабаби бу суратда акс этган воқеа кўпчиликнинг қалбида кўпинча ёддан кўтарилувчи туйғуни эсга солди.

Фотографнинг айтишича: “Йиртқичлар кийикка ҳужум қилган пайтда у болалари билан ўйнаб турган эди. Кийик учун орқасига қочиб кетиб ҳаётини сақлаб қолиш учун қулай фурсат бор эди. Аммо у болалари қочиб кетиши учун ўзини гепардларга таслим қилди”.

Суратда болаларини ўлжага айланмасдан саломат қочиб кетганлигига ишонч ҳосил қилган кийикнинг охирги онлари тасвирланган.

Она сен учун ҳаётини ҳеч қандай тараддудсиз қурбон қилишга тайёр бўлган дунёдаги ягона шахсдир.

Аввалроқ, Ўзбекистон мусулмонлар идорасининг мажлислар залида “Йил имоми-2017” кўрик танловининг Республика босқичи бошлангани ҳақида хабар берган эдик.

Танлов иштирокчилари рақамлар солинган конвертни олиб, берилган саволларни жавоб беришни бошлашди. Имом-хатиблар қўйидаги кетма-кетликда саволларга жавоб беришмоқда.

Тошкент вилояти Қибрай тумани “Саъдулла ота” жоме масжиди имом-хатиби Мирҳамидов Обиджон. 

Хоразм вилояти Гурлан тумани “Жайх Жалолиддин Гургоний бобо” жоме масжиди имом-хатиби Қурбанбаев Музаффар. 

Сирдарё вилояти Янгиер шаҳар “Абдуқаҳҳор хожи” жоме масжиди имом-хатиби Асланбаев Хуршид. 

Фарғона вилояти Олтиариқ тумани “Оқ масжид” жоме масжиди имом-хатиби Исақов Абдутолиб. 

Тошкент шаҳри Шайхонтоҳур тумани “Оқилон” жоме масжиди имом-хатиби Исомиддин Ахроров. 

Наманган вилояти Наманган шаҳар “Шодибек” жоме масжиди имом-хатиби Нуриддинов Муҳаммад. 

Самарқанд вилояти Пастдарғом тумани “Ошиқ ота” жоме масжиди имом-хатиби Каримов Азимхон. 

Қашқадарё вилояти Шаҳрисабз шаҳри “Янги қишлоқ” жоме масжиди имом-хатиби Жумаев Алишер. 

Андижон вилояти Қўрғонтепа тумани “Рамазон қори” жоме масжиди имом-хатиби Даврон Темиров. 

Бухоро вилояти Бухоро шаҳри “Волидаи Абдуазизхон” жоме масжиди имом-хатиби Қудратов Зариф. 

Жиззах вилояти Шароф Рашидов тумани “Яккақайрағоч” жоме масжиди имом-хатиби Оролов Усмон. 

Навоий вилояти Нурота тумани “Чил устун” жоме масжиди имом-хатиби Мўбинов Жамолиддин. 

Қорақалпоғистон Республикаси Қораузак тумани “Идрис эшон” жоме масжиди имом-хатиби Идрисов Озод. 

Сурхондарё вилояти Бойсун тумани “Қадимий Дарбанд” жоме масжиди имом-хатиби Алимов Ўрол. 

Мазкур имом-хатиблар қуйидаги йўналишлардаги саволларга жавоб беришмоқда: 

1. Қуръони каримдан 3 оят тиловат қилиш ва уни тафсир қилиш; 

2. Маънавият ва маърифат йўналишидаги саволлар; 

3. Диний-экстремистик оқимлар тўғрисида саволлар; 

4. Фиқҳга оид саволлар; 

5. Ислом тарихига оид саволлар; 

6. “Интернетдаги таҳдидлардан ҳимоя” китоби асосидаги саволлар; 

7. ОАВдаги чиқишлари ва маърифий тадбирлардаги иштироки. 

Ўз навбатида ҳакамлар иштирокчиларининг касб-маҳоратлари ва билим савияларини тўла билиш мақсадида, қўшимча саволлар беришмоқда. 

Иштирокчиларни қўллаб-қувватлаб туринг ва бизни кузатишда давом этинг.

Анъанага содиқ қолган ҳолда бугунги тадбиримиз ҳам Қуръони карим тиловати ва дуолар билан бошланиб, дуо қилинди.

Бугунги кун имом-хатиби ҳам диний ҳам дунёвий билимлар соҳиби бўлиши, дунёда юз бераётган воқеъликдан хабардор бўлиб, халқни эзгулик ва бирдамликка чақириши,  ҳақ билан ботилни ажратиб бериши,  икки дунё саодатига чорловчи маърифат пешвоси бўлиши даврнинг талабидир. Шунингдек, ҳозирги пайтда ислом дини ниқоби остида рўй бераётган уруш ва тўқнашувлар, фитна-фасодлар, бузғунчи ғояларнинг найранглари исканжасидан тинч аҳолини ислом динига бўлган этиқодини тўғрилаш, уларга ҳақ йўлни кўрсатиб бериш ҳам уларнинг асосий вазифаларидир.

Бу йил ҳам ана шундай фаол ва иқтидорли имом-хатибларимиз туман ва вилоят босқичида ғолибликни қўлга киритиб, кўрик танловнинг республика босқичига иштирок этишмоқда.

Танлов 70 баллик тизимда олиб борилади. Иштирокчилар аввало рақамлар ёзилган қоғозларни тортиб, ўз чиқиш навбатларини рақамлар тартибида аниқлаб олади. Шундан сўнг, тартиб бўйича чиқиб ҳакамлар ҳайъати столидан саволлар солинган конвертлардан бирини олиб, махсус ажратилган жойга ўтириб, ундаги билет рақамини эълон қилади ва саволларни бирма-бир ўқиб жавоб беради.

Ҳакамлар ҳайъати ҳар бир саволга берилган жавоб учун максимум 10 балл, минимум 2 балл қўйишлари мумкин.

Видеоларни кўриш учун қуйидаги линкни босинг:

Видео 1

Видео 2

Бизни кузатишда давом этинг.

Телеграмдаги каналимизда ҳам воқеалар ривожи билан тезкор танишиб боришингиз мумкин.