Мақолалар

Фатво ҳайъатига келган саволлар (6-қисм)

Саволларга Ўзбекистон мусулмонлари идораси Фатво ҳайъати жавоб беради.

Савол: Ассалому алайкум. Ота-онам менга холамнинг қизини олиб беришмоқчи шариатда мумкинми? Қуръонда Нисо сурасида шу ҳақда айтилган шуни аниқ тушунтириб беринг Аллоҳ сиздан рози бўлсин раҳмат олдиндан.

Жавоб: Ва алайкум ассалом. Холангизнинг қизига уйланишингиз мумкин. Бу шаръан жоиз.  

Савол: Ассалому алайкум азиз устозлар! Менга маслаҳатингиз керак. Эрим ўзгариб қолган. Қайнонам эскичага бориб, ёмон аёл эрингни жодулаб олган дедилар. Агар ёмон аёл томонидан жодулаб олиш рост бўлса, мен энди нима қилишим керак. Эрим ажрашишни талаб қилиб жанжал қилмоқда. Жавоб учун олдиндан раҳмат.

Жавоб: Ва алайкум ассалом. Қайнонангизни иши шаръан қатъий тақиқланган ишдир. Қолаверса бу гуноҳга сиз ҳам шерик бўлиб қолишингиз мумкин. Абу Ҳурайра р.а.дан ривоят қилинади, Расулуллоҳ с.а.в. дедилар: “Ким фолбинга борса ва унинг айтган гапига ишонса Муҳаммад с.а.в.га нозил бўлган нарсага кофир бўлибди” Имом Термизий ривояти мусулмон киши фолбинларнинг гапига ишониши, уни тасдиқлаши ўз ислом ақидасига зид эканлигини теран англаши зарур.

Савол: Ассалому алайкум. Узр безовта қилдим. Мен ҳар ой уч кун рўза тутиш ҳақида эшитиб қолдим шундай рўʻза борми бўлса қандай ва қайси кунлари тутилади илтимос тушинтириб берсангиз олдиндан раҳмат.

Жавоб: Ва алайкум ассалом. Ҳар ойдан уч кун нафл рўза тутиш борасида Абдуллоҳ ибн Амр розияллоҳу анҳудан шундай ривоят қилинади: “Менга Набий соллаллоҳу алайҳи васаллам: “Ҳар ойда уч кун рўза тут. Чунки бир яхшилик ўн мисличадир. Ана ўша йил давоми рўзасига баробар” дедилар.” Демак ҳар ойдан уч кун рўза тутиш яхши ва савобли амал. Ҳадиси шарифда қайси кунлар эканлиги айтилмаган. Бошқа бир ҳадисда Набий соллаллоҳу алайҳи васаллам Милҳон ибн Қайсга: “Қачон бир ойдан уч кун рўза тутадиган бўлсанг, ўн уч, ўн тўрт, ўн бешни тут” дедилар. Бир ривоятда: “Улар худди йил бўйига ўхшар” дедилар.

 

Барча жавобларга ўтиш

 

 

1112 марта ўқилди

Мақолалар

Top