“Имом Бухорий” орденини таъсис этиш тўғрисидаги Қонун (ЎРҚ–789-сон, 15.08.2022 й.) Президент томонидан имзоланди

? Қонунга мувофиқ, “Имом Бухорий” ордени икки даражадан иборат бўлади:

(https://telegra.ph/file/063dba2c4dbb0b98a6a5b.png)▫️“Олий Даражали Имом Бухорий” ордени;
▫️“Имом Бухорий” ордени.

✅ “Олий Даражали Имом Бухорий” ордени билан илм-фан ва маданият, жумладан, ислом маърифати ривожига улкан ҳисса қўшган буюк аллома ва мутафаккирларнинг ҳаёти ҳамда илмий меросини ўрганиш ва халқаро майдонда кенг тарғиб қилишда катта ютуқларга эришганлиги учун:

➖хорижий давлатлар ва ҳукуматлар раҳбарлари;
➖хорижий мамлакатлар парламентлари вакиллари;
➖халқаро ташкилотлар, дипломатик ваколатхоналар, консуллик муассасалари ҳамда уларга тенглаштирилган бошқа ташкилотларнинг раҳбарлари ва вакиллари, шунингдек хорижий арбоблар ва олимлар;
➖мамлакатимизнинг атоқли давлат ва жамоат арбоблари, диний-ижтимоий соҳадаги раҳбарлар ва етук уламолар, атоқли олимлар, адиблар, педагоглар ва илмий тадқиқотчилар мукофотланади.

✅ “Имом Бухорий” ордени билан эса буюк алломаларимизнинг илмий ва диний меросини тадқиқ этиш ҳамда тарғиб қилиш, ислом динининг умуминсоний қадриятлари ва асл моҳиятини мамлакат аҳолиси, айниқса ёшларга етказишдаги хизматлари учун:

➖илм-фан, таълим-тарбия, маданият, санъат ва адабиёт соҳаси ходимлари;
➖давлат ва жамоат ташкилотлари ходимлари;
➖диний уламолар;
➖олимлар ва тадқиқотчилар мукофотланади.

?“Олий Даражали Имом Бухорий” ордени билан мукофотланган шахсларга БҲМнинг 70 баравари (21 млн сўм), “Имом Бухорий” ордени билан мукофотланган шахсларга эса БҲМнинг 50 баравари (15 млн сўм) миқдоридаги бир марталик пул мукофоти берилади.

манба: https://t.me/huquqiyaxborot/12219

Аллоҳ таоло дуонинг ижобат бўлиш вақти ва ўринларини муайян ва хос турларга ажратиб, бирини бошқасидан афзал қилди. Булар:

– Аллоҳ таоло дунё осмонига тушиб: «Дуо қилувчи борми, ижобат қиламан», дейдиган туннинг охирги учинчи қисми;

– беш вақт намоздан кейинги вақт;

– азон ва иқомат орасидаги вақт;

– намозда ташаҳҳуддан кейинги вақт;

– банданинг Роббига энг яқин бўладиган вақти – саждадаги пайти;

– жума кунидаги ижобат бўладиган соат;

– асрдан кейинги охирги соат;

– арафа кунидаги вақт;

– Рамазон ойидаги вақт;

– жангдаги;

– сафар вақтидаги;

– беморнининг зиёрати вақти;

– ёмғир ёғаётган вақт;

– бирор солиҳ амални қилган вақтдаги дуо. Бу ҳақда Аллоҳ таоло айтади: «Унга хуш каломлар юксалур ва солиҳ амал кўтарур уни. Дуо яхши сўздандир» (Фотир сураси, 10-оят).

манба: https://islom.uz/maqola/4861

Shayx Saloh Abulhoj hafizahulloh

Бугун, 12 август куни Ўзбекистон мусулмонлари идораси раиси, муфтий Нуриддин домла ҳазратлари Нур-Султон шаҳридаги янги қурилган Қозоғистоннинг бош масжидида жума намозида иштирок этиб, бир неча минг намозхонга мавъиза қилдилар.

Муфтий ҳазратлари маърузада ушбу жоме масжид билан қозоқ элини қутлаб, уни то Қиёмат кунига қадар Ислом дини ва мўмин-мусулмонларга хизмат қилишини Аллоҳдан сўрадилар. Шунингдек, муфтий ҳазрат сўзлари давомида масжид маърифат ва ҳидоят маскани эканини таъкидлаб, инсон ушбу даргоҳга кирганида ўзгача роҳат ва маънавий қувват олишини изоҳладилар. Шунингдек, масжиднинг маҳобати, кенг гумбазлари, баланд миноралари, обод қилинган теварак-атрофи ва ўзига хос архитектураси намозхонларга завқу шавқ бағишлашини билдирдилар. Шунингдек, бундай гўзал масжидларнинг барпо этилишининг асосий омили тинчлик, мўмин-мусулмонларнинг аҳил-иноқ яшашлари эканини ҳаётий мисоллар орқали тушунтириб, Икки давлат раҳбарларининг саъй-ҳаракатлари билан мамлакатларимиз ўртасидаги ўзаро ҳамкорлик алоқалари тобора ривожланаётганини қайд этдилар.

Муфтий ҳазрат маъруза якунида янги муҳташам масжиднинг очилиш маросими муваффақиятли бўлгани, нуфузли тадбир, учрашувлар, умуман яхшилик йўлидаги ҳамкорлик алоқалари қардош халқлар дўстлиги мустахкамланганига урғу қаратдилар.

Ушбу файзли сухбат масжид қавми ва Нур-Султон шаҳрида меҳнат қилаётган ўзбекистонлик ватандошларда катта таассурот қолдирди.

Ўзбекистон мусулмонлари идораси матбуот хизмати

Бугун, 12 август куни Ўзбекистон мусулмонлари идораси раиси, муфтий Нуриддин домла ҳазратлари Нур-Султон шаҳридаги йирик жоме масжиднинг очилиш маросимида иштирок этиб, нутқ сўзладилар.

Муфтий ҳазратлари дастлаб ўз сўзида Ислом оламининг муборак муҳаррам ойи билан барча йиғилганларни қутладилар. Бундай улуғ ойда Аллоҳнинг янги байтининг ишга тушиши катта неъмат эканлигини таъкидлаб, янги масжид билан Қозоғистон халқини муборакбод этдилар. Шунингдек, Муфтий ҳазрат сўзлари давомида ўзбек ва қозоқ халқларининг кўп асрлик қардошлиги ҳақида ҳам тўхталиб, тили, анъана ва урф-одатлари бир-бирига ўхшаш икки эл тарихий тараққиётнинг барча йўналишларида ўзаро ҳурматда, қавму қариндош бўлиб, тинч-тотув ҳаёт кечираётгани ҳақида илиқ фикрларни билдирдилар.

Шу билан бирга масжид бино қилишнинг фазилати хусусида ҳам сўз юритиб, Аллоҳ таоло масжидни обод қилувчиларга буюк мукофотлар ваъда қилгани, бу ҳақда Усмон ибн Аффон розияллоҳу анҳудан ривоят қилинган ҳадисда Расулуллоҳ соллаллоҳу алайҳи ва саллам: “Ким Аллоҳ розилигини истаган ҳолда бир масжид қурса, Аллоҳ таоло унинг учун худди шундай уйни жаннатда барпо этади” (Имом Бухорий ривояти) деганларини келтириб, мазкур ҳадисни шарҳлаб бердилар.
Муфтий ҳазрат сўзлари якунида келгусида ушбу масжид маърифат тарқатиши, ҳидоят маскани бўлиши, мусулмон уммати бирлиги йўлида хизмат қилишини сўраб дуо қилдилар.

Шунингдек, очилиш маросимида Қозоғистоннинг Биринчи президенти, Элбоши Нурсултон Назарбаев, Миср бош имоми ўринбосари, Азҳари шариф вакили, доктор Муҳаммад Абдурраҳмон ад-Дувайний, Россия мусулмонлари идораси раисининг биринчи ўринбосари Дамир ҳазрат Муҳитдинов, Қирғизистон мусулмонлари идораси раиси, муфтий Замир ҳожи Ракиев, Монголия мусулмонлари идораси раиси, муфтий Ботирбек ҳожи Ҳадис , Бирлашган Араб Амирлиги Ислом илмлар маркази раҳбарияти, Қозоғистондаги турли араб ва мусулмон давлатлари элчилари, давлат ва дин арбоблари, уламолар, имом-хатиблар ва экспертлар иштирок этди.

Ўзбекистон мусулмонлари идораси матбуот хизмати