muslim.uz

muslim.uz

Яқинда Тошкент вилоятининг Паркент туманида бешбурчак услубида қурилаётган “Одил ота” масжиди ҳақида хабар берган эдик. Унумдор ерлари ва сўлим табиатига эга ушбу туманда яна иккита масжид аҳоли талабларидан келиб чиқиб, қулай жойга кўчирилиб қурилмоқда.

Файзуллахонбой” масжиди. Чанги қишлоғидаги ушбу намозгоҳ аввалги жойлашган ўрнидан 500 метр масофада, қабристонга яқин ерда саккизбурчак услубида қурилмоқда. Маҳаллий ҳокимлик томонидан ажратилган 30 сотих ер майдонида 1200 ўринлик кенг масжид ва бошқа маъмурий бинолар ўрин олади. Бу жойда хонақоҳ деразаларидан ташқарига разм солган киши Мусаввир Зотнинг гўзал ижоди - сервиқор тоғлар этакларига ястанган ажойиб табиат манзараларининг гувоҳи бўлади. 

Қурилиш учун ташкил этилган карта ҳисоб рақами:

8600 0423 9336 6827

(Шопайзиев Шохаким номига)

Пайнет учун рақам +998-99-878-23-80

Uzmobile GSM

https://t.me/fayzullaxonboy 

 

“Кунгай” масжиди. Сўқоқ қишлоғининг йўллари нотекис, юқори қисмида жойлашган ушбу масжид хонадон кўринишида бўлиб, бинолари анча эскирган, таъмирталаб ҳолга келиб қолган эди. Хонақоҳ зах, таҳоратхонада ҳам шароитлар ачинарли ҳолда. Энг асосийси, қишлоқ аҳолиси, кексалар, қолаверса, жаноза ва бошқа маросимлар учун масжидга юқорилаб чиқишнинг ўзи муаммо эди. Туман бош имом-хатиби Мансурхон домла Мансуровнинг саъй-ҳаракатлари эвазига аҳоли ва ҳордиқ масканларига ташриф буюрувчи меҳмонлар учун қулай ерда ажратилган 23 сотих майдонда замонавий масжид барпо этилмоқда. Ертўла қисми билан қўшилганда икки қаватли хонақоҳ 2000 га яқин намозхонни сиғдиради. Бу эса ёзнинг иссиқ ва қишнинг совуқ кунларида ҳам намозхонлар учун қулай шарт-шароит дегани.  Ҳозирда бинонинг том қисми ёпилиб, иссиқ пол тизими ва бошқа пардоз ишлари амалга оширилмоқда. Биргина қишлоқ масжиди тимсолидаги янгиланишлар, замон суръатларига мос имкониятларга боқиб, диний соҳадаги ислоҳотларга баҳо бериш мумкин. Барчаси инсонларнинг манфаати, Холиқ ва халқ ризолиги учун.  Ҳазрат Навоий айтганларидек:

Нафъинг агар халққа бешакдурур,

балки бу наф ўзингга кўпракдурур.

Орамиздаги фидоий инсонлар, ихлоси ва ҳиммати баланд кишиларнинг заҳматлари воситасида давом этмоқда бу ишлар.Қурилиш ва ободонлаштириш ишларига ҳиссалари қўшилаётган барчадан Аллоҳ таоло рози бўлсин.

 

Paynet 99 822 24 85 

Uzcard: 8600 0423 9146 9144

Odilov Azimiddin 

Murojaat uchun: ?99) 822 82 17

https://t.me/soqoqmasjid 

 

Ўзбекистон мусулмонлари идораси Масжидлар бўлими

Четверг, 03 Декабрь 2020 00:00

Ислом - бағрикенг дин

"Ориат Доно" радиосининг “Зиё чашмаси” дастури
Дастур меҳмони: Аброр АЛИМОВ,
Тошкент шаҳар “Ҳувайдо” жоме масжиди имом-хатиби

 

Мир Араб ўрта махсус ислом билим юрти мударриси

Тожиддинов Абдусамад

“Ўзбекистон Республикасида ногиронларни ижтимоий ҳимоя қилиш тўғрисида”ги Қонун, Бирлашган Миллатлар Ташкилоти Бош Ассамблеясининг 1992 йил 14-октябрдаги 47/3-сонли қарорига асосан ҳар йили “3 декабр – Халқаро ногиронлар куни” сифатида республикамизда кенг нишонланиши ҳукуматимиз томонидан олиб борилаётган ислоҳатларнинг яққол исботидир.

Мамлакатимизда мустақилликнинг дастлабки кунларидан бошлаб аҳолини ижтимоий муҳофаза қилишни янада кучайтириш, айниқса, ижтимоий ҳимояга эҳтиёжманд ногиронлиги бор шахсарга ҳаётда кенг имконият ва шароитлар яратиб бериш масаласига алоҳида аҳамият бериб келинади.

Ҳазрат Пайғамбаримиз Муҳаммад соллаллоҳу алайҳи ва салламнинг қуйидагича дуо қилгани саҳиҳ санадлар ила ривоят қилинган: “Эй Аллоҳ, мискин ҳолимда ҳаёт бер! Мискин ҳолимда жонимни ол! Ҳашр куни мискинлар гуруҳида тирилтир!” (Ибн Можа/41266).

Инсониятнинг афзали бўлмиш Ҳабибимизнинг бу дуолари, мискину ночорларни севганидан, уларга суянчиқлик шарафини билганидан, қадрига етганидан эди.
Ул зоти шариф ночорлар олдида ҳамиша камтарона бўлганлар. Қачонки ночорлар орасида ўтирса ёнма-ён ўтирган мискин тиззаларига ўзларининг муборак тиззаларини теккизиб яқин ўтирар, ҳеч улардан жирканмас, ўзини олий тутмас эдилар.

Абдуллоҳ ибн Аббос розияллоҳу анҳу айтган эканлар: “Пайғамбарларни қўллаб қуввватлаганлар ҳар доим мискинлар, фақирлар ночорлар бўлган”.

Муқаддас Ислом динимиз инсонга, қўни-қўшниларга, айниқса, ночор, эҳтиёжманд, ногиронлиги бор шахсларга меҳр-оқибатли бўлиш, улар ҳолидан хабар олиш, уларга ҳар ким қўлдан келганича, имкон қадар кўмаклашиш улкан ажру савобларга эриштириши таъкидлаб ўтилган. Бу каби хайрли ишлар, тадбирлар барчамизнинг асосий вазифамиз десак муболаға эмас.

Кеча, Муборак туманидаги диний соҳа ходимлари, отинойилар, ҳожи она, ҳожи отахонлар "Абдуллоҳ ибн Муборак" жоме масжиди имом-хатиби Ф.Аминов ташаббуси билан ҳомийлар кўмагида тумандаги 150 нафар ногиронлиги бўлган шахсларга хайрия ёрдамлари кўрсатилди. Тумандаги ҳашаматли ва шинам "Регистон" ресторанида хайрия дастурхони ёзилиб, ош тарқатилди. Шунингдек, мазкур хайрия тадбирига ташриф буюрган 150 нафар ногиронлиги бор шахсларнинг ҳар бирига 150 минг сўмлик озиқ-овқат маҳсулотлари, 2 та ногиронлар аравачаси ҳамда 4 та қўлтиқ таёқлари берилди.
Тадбир давомида Қуръони карим тиловат қилиниб, ўтган ҳақларига бағишланиб, дуои хайрлар қилинди.

 

 

Ўзбекистон мусулмонлари идораси Қашқадарё вилоят вакиллиги матбуот хизмати

Аввал хабар берганимиздек, бугун, 2 декабрь куни Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедов бошчилигидаги соҳа вакиллари Сирдарё вилояти Мирзаобод туманидаги “Зиё” масжидининг янги биноси очилиш маросимида иштирок этишди.

Очилиш маросимида Муфтий ҳазратлари Усмонхон Алимов ҳазратлари нутқ сўзлаб, муҳтарам Юртбошимиз саъй-ҳаракатлари, дуогўй ва саховатпеша халқимизнинг ҳиссаси билан кўплаб масжидлар қурилаётгани, борлари янгидан қуриб ё таъмирланиб намозхонларга топширилаётгани, жумладан, “Зиё” масжидининг биноси замонавий ва миллий услубда қайта қурилиб, барча зарур шароитлар ҳозирланиб, намозхонларга топширилгани, катта йўл бўйида қурилган мўъжаз жоме хорижлик ва маҳаллий йўловчилар учун ҳам айни муддао бўлганини таъкидладилар.

Шунингдек, Муфтий ҳазратлари Аллоҳнинг уйи бўлган масжид қуришнинг савоби улуғ экани ҳақида сўзлаб бердилар.

Дарҳақиқат, Қуръони каримда марҳамат қилинади: “Аллоҳнинг масжидларини фақат Аллоҳга ва охират кунига иймон келтирган, намозни тўкис адо этган, закотни (ҳақдорларга) ато қилган ва ёлғиз Аллоҳдангина қўрқадиган зотларгина обод қилурлар. Ана ўшалар ҳидоят топувчи зотлар бўлсалар ажабмас” (Тавба сураси, 18-оят).

Ҳазрати Пайғамбаримиз соллаллоҳу алайҳи васалламнинг ҳадисларида ҳам масжид қуриш ва уни обод қилиш борасида кўплаб тарғиблар келган. Ҳазрати Усмон ибн Аффон розияллоҳу анҳудан ривоят қилинади, Набий алайҳиссалом бундай дедилар: “Ким Аллоҳ учун бир масжид қурса, Аллоҳ жаннатда шунинг мислича уй бунёд қилади” (Муттафақун алайҳ).
Анас ибн Молик розияллоҳу анҳудан бундай ривоят қилинган: “Ким масжидда битта чироқ ёқса, ўша чироқнинг нури ўчгунича фаришталар у кишининг ҳаққига истиғфор айтиб турадилар”.

Шундан сўнг ушбу масжиднинг қиёматга қадар мўмин-мусулмонларга хизмат қилишини сўраб хайрли дуолар қилдилар.

Маълумот учун, Мирзаобод тумани масъуллари 1990 йилда “Оқолтин” маҳалласида масжид учун 15 сотих ер ажратган. Сўнг маҳалла фаоллари кўмаги ва аҳоли ҳашари билан масжид қурилган. 1998 йилда “Зиё” жомеси расмий рўйхатдан ўтказилган.

Кейинги йилларда ушбу масжид эски биноси яроқсиз ҳолатга келиб қолгани туфайли замонавий лойиҳа асосида замонавий дизайн ва миллий услубда янгидан бунёд этилди.
Шу йил февраль ойида бошланган масжид қурилиши ҳозирда тўлиқ якунланган. Масжид биносининг узунлиги 18 метр, эни 22 метрни ташкил этади. 22 метрли гумбаз эса жоме биносига ўзгача файз бағишлаб турибди.

Масжиднинг олдинги биносига 300-350 киши сиққан бўлса, янги биносининг катта хонақоҳида 500 киши, айвон қисмида эса 200 намозхон ибодатларни бемалол адо этиши мумкин.

Мажмуада хонақоҳ, айвон, таҳоратхона, кутубхона ва хизмат хоналардан иборат. Шунингдек, аёллар учун мўлжалланган намозхона, эркак ва аёллар таҳоратхонаси барча шароитлар қилинган.

“Зиё” масжидига шу кунга қадар Мубаширов Юсуфхон, Мубаширов Ҳабибулло, Исақов Бахромжон, Убайдуллаев Ўктамхон домлалар фаолият юритган. Бугунги кунда масжидда Мубаширов Ҳабибулло домла имом-хатиб вазифасида ишлаб келмоқда.

Ўзбекистон мусулмонлари идораси Матбуот хизмати

Страница 1 из 1605

Мақолалар

Top