muslim.uz
Ижтимоий тармоқлардаги сохта хабарларга ишонманг!
2019 йил 25 март куни ижтимоий тармоқларда Ўзбекистон мусулмонлари идораси расмий иш қоғоси нусхасига ёзилган бир нечта шахслар тўғрисидаги маълумотлар сохтадир. Унда келтирилган маълумотлар ва ёзувлар қалбакидир.
Бу каби асоссиз уйдирма хабарларни тарқатишдан мақсад Ўзбекистондаги диний соҳада олиб борилаётган ижобий ўзгаришларни ёмонлаб кўрсатиш ва мўмин-мусулмонлар орасига ишончсизлик уруғини сочишдан ўзга нарса эмас.
Инсон дунёга муккасидан кетиб, охиратини унутиб, ҳар қандай қабиҳ ишга қўл урмаслиги керак. Ибн Умар розияллоҳу анҳудан ривоят қилинган ҳадисда Расулуллоҳ соллаллоҳу алайҳи ва саллам: “Ёлғон гувоҳлик берувчининг икки оёғи қўзғалмай туриб, Аллоҳ унга дўзахни вожиб қилади”, деганлар. Яна бир ҳадисда "Ким бизни алдаса, биздан эмас" дейилган.
Азиз юртдошлар, ҳар бир мўмин-мусулмон киши бундай ёлғон-яшиқларга, миш-миш гапларга учмаслиги, фитналардан огоҳ бўлиши даркор. Набий соллаллоҳу алайҳи ва саллам: “Мўмин киши зийрак, ҳушёр ва оқил бўлади”, деган ҳадислари моҳиятини чуқур тушуниш лозим.
Баъзи бир ҳасадгўй кимсалар халқимиз орасида норозилик кайфиятини уйғотиш мақсадида, фитна чиқариш илинжида турли уйдирмаларни оммавий ахборот воситалари орқали тарқатишдан тап тортишмаяпти. Буларга алданиб қолмаслигимиз керак. Шундай ёлғон хабарларни тайёрлаш ва тарқатиш қонун билан тақиқланади, Ислом динида эса қаттиқ қораланади.
Аллоҳ таоло ҳаммамизни тўғри йўлга бошласин!
Ўзбекистон мусулмонлари идораси Матбуот хизмати
Нишонга урилган гаплар: “Юрувчиларининг озлиги сабаб Ҳақ Йўлда юришдан қўрқманг!”
Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
*****
Юрувчиларининг озлиги сабаб Ҳақ Йўлда юришдан қўрқманг!
Али ибн Абу Толиб розияллоҳу анҳу
*****
Агар хотираларинг орзуларингдан кўп бўлса, демак сенинг ёшлигинг қолмабди.
Муҳаммад Ратён
*****
Агар сен муваффақиятга эришмоқчи бўлсанг, битта асосий қоидага амал қил: иши юришмаганлар сенинг ҳаётинг тўғрисида ҳукм ўқишига асло йўл қўйма!
“Тарих муҳрлаган сўзлар”
*****
Жамиятимиз кўз билан эмас, қулоқ билан “кўради”.
“Тарих муҳрлаган сўзлар”
*****
Жирканчлик – мен ҳақимда тилинг қуриб қолгунча ғийбат қилиб, гўштимни еб, олдимга келганингда менга табассум қилиб туришингдир.
Хорлаш, менсимаслик эса шуларнинг ҳаммасини билиб турсам-да, сенга табассум қилишимдир.
Нажиб Маҳфуз
*****
Наполеон – Австрияни босиб олишга ёрдам берган австриялик зобит билан қўл бериб кўришишдан бош тортди. Унга қараб: “Хизмат ҳақингни ол. Лекин мен ўз юртига хиёнат қилган кимса билан кўришмайман” деди.
“Тарих муҳрлаган сўзлар”
*****
Муҳаббат ҳақида ёзадиганларнинг ҳаммаси ҳам севувчилар эмас. Қамоқда ётган кишининг энг кўп ёзадиган нарсаси озодлик ҳақида бўлади.
“Тарих муҳрлаган сўзлар”
*****
Ақлингнинг ҳажмини билмоқчи бўлсанг, сени ғазаблантираётган нарсаларга назар сол!
“Тарих муҳрлаган сўзлар”
*****
Ўзидаги касалликларга тўғри ташхис қўя олмаган халқлар нотўғри дори истеъмол қилиши натижасида ўлади.
“Тарих муҳрлаган сўзлар”
*****
Душманингга қарши уни қўрқитадиган қурол билан жанг қил, ўзинг қўрқадиган қурол билан эмас.
“Тарих муҳрлаган сўзлар”
*****
Интернет материалларидан тўплаб, таржима қилувчи
Нозимжон Иминжонов
Буюк Ислом тарихидан лавҳалар
Европаликлар Ой тутилса, “Иблис Ойни ютиб юбормоқчи” деб йиғи-сиғи қилиб, қичқириб, иблисни бундан қайтаришга “уриниб” юрган пайтларида мусулмон олим Абу Райҳон Беруний Ойнинг тутилишини изоҳлаб, “Ер сайёраси Қуёш билан Ой орасига тушиб қолиб, Ер Қуёшнинг Ойга етиши керак бўлган нурини тўсиб қўйганда Ой тутилиши содир бўлади” деган.
*****
Тарихда илк сиёҳли ручкани кашф этган олим Аббос ибн Фирнасдир. Шунингдек, у учиш қурилмасини кашф этган ва учишга уринган илк инсон ҳам ҳисобланади. Бундан ташқари тиббиёт кўзойнаги ишлаб чиққан ҳам удир.
*****
Шарқий Европага илк кириб борган мусулмон ҳукмдор Ўрхан ибн Усмон ибн Эртуғрул бўлиб, у Болгариягача етиб борган.
*****
Уй олдидаги чироқ
Агар Андалусияда уй олдида чироқ бўлса, ушбу уйда Қуръони Каримни ёд олган қиз бор деган маънони билдирган экан.
*****
Мусулмонларнинг юртида қушлар оч қолибди дейилмаслиги учун тоғ (адир)ларга ҳам дон сепинглар!
Умар ибн Абдулазиз раҳимаҳуллоҳ
*****
Холид ибн Валид розияллоҳу анҳунинг лақаблари «Сайфуллоҳ» бўлиб, бунинг маъноси «Аллоҳнинг қиличи» демакдир.
У киши машҳур саҳобийлардан ва забардаст қўмондонлардан бўлиб, юзта жангда иштирок этганлар ва бирор марта мағлубиятга учрамаганлар.
Аллоҳ таоло у кишидан рози бўлсин!
*****
Бешинчи рошид халифа Умар ибн Абдулазиз раҳимаҳуллоҳ 2 йилу 5 ойдан сал кўпроқ халифа бўлганлар. У кишининг даврларида ишчилар закот молини кўтариб олиб, кўчаларни, маҳаллаларни айланиб юришарди. Аммо уни оладиган одам топилмасди.
Аллоҳ таоло ҳалоллик, омонатдорлик ва одилликка ана шундай барака беради.
Аллоҳ таоло у кишини раҳматига олсин!
*****
Жарчи кўчаларни айланиб юриб, шундай нидо қиларди:
- Ким уйланишни истаса, келиннинг маҳри бизнинг зиммамизда.
- Ким уй қурмоқчи бўлса, унга уй қуриб берамиз.
- Кимнинг зиммасида қарзи бўлса, уни тўлаб берамиз.
- Ким ҳажга бормоқчи бўлса, унга йўл озуқаси ва харажатларини осонлаштириб берамиз.
Бу сўзлар умавий халифалардан, бешинчи рошид халифа деб эътироф этилган Умар ибн Абдулазиз раҳимаҳуллоҳнинг даврлари (ҳижрий 99 – 101 йиллар)да эълон қилинарди.
*****
Денгиз сувини илк бор чучуклаштириб, уни ичишга яроқли қилишга уринган инсон тобеин Холид ибн Язид ибн Муовия ибн Абу Суфёндир. У киши ҳижрий 90 йилда вафот этганлар. У зот Абдулмалик ибн Марвонга: “Агар хоҳласангиз, денгиз сувини чучуклаштириб бераман” деганлар. Кейин бир кўзачада сув келтиришни буюрадилар. Сув келгач, уни қандай қилиб ичишга яроқли қилиб чучуклаштиришларини кўрсатиб, охири сувдаги шўрликни йўқотадилар. Бу маъломутни Ибн Абу Дунё “Ёмғир ва момақалдироқ китоби”да келтирганлар.
*****
Мағриб (Марокаш) ва Шимолий Африканинг фотиҳи, “Африка фотиҳи” лақаби билан танилган Уқба ибн Нофеъ раҳимаҳуллоҳ (милодий 622-683 йилларда яшаган) 10 минг кишилик аскарлари билан 80 минг кишилик Рум қўшинига қарши жангга чиқди.
Чиқаётганда аёли ундан: “Жанг қизиб, уруш авжига чиқса, сизни қаердан топаман?” деб сўради.
Шунда у киши: “Ё Рум қўмондонининг чодиридан ёки жаннатдан” деб жавоб берди.
*****
1949 йилда Шайх Абдулҳамид Аббор БМТда Ливиянинг мустақиллиги ҳақида гапирганда, Франциянинг ўша вақтдаги президенти Венсан Жюль Ориоль: “Сизлар қўй боқувчи саҳройисизлар. Мустақил бўлишга ҳақли эмассизлар” дейди. Шунда Шайх Абдулҳамид Аббор мана бу машҳур гапини айтган:
“Биз Италия империясига қарши 20 йил жанг қилдик. Сизларни эса Гитлер уч кун ичида босиб олди. Хўш, қайси биримиз истиқлолга ҳақлироқмиз?!”
Бу жавобни эшитган президент ҳеч нарса деёлмай жим бўлиб қолди.
*****
Интернет маълумотлари асосида Нозимжон Иминжонов тайёрлади
Шавкат Мирзиёев “Ваҳат ал-Карама" ёдгорлигида бўлди
Президент Шавкат Мирзиёевнинг Бирлашган Араб Амирликларига расмий ташрифининг асосий тадбирлари бошланди.
Давлатимиз раҳбари, таомилга кўра, дастлаб Абу-Даби шаҳридаги Шайх Зоид бин Султон Ол Наҳаён мақбараси ҳамда масжидини зиёрат қилди, деб хабар бермоқда Президент матбуот хизмати.
Президентимизга масжиднинг қурилиш тарихи, ўзига хос хусусиятлари, сайёҳлар ва зиёратчилар учун яратилган шароитлар ҳақида сўзлаб берилган.
Шавкат Мирзиёев мақбаранинг Зиёратчилар китобида дастхат қолдирган.
Давлатимиз раҳбари “Ваҳат ал-Карама” ёдгорлигига гулчамбар қўйган.
Давлатимиз раҳбари ёдгорликнинг Фахрий меҳмонлар китобига дастхат қолдирган.
Ўзбекистон мусулмонлари идораси Матбуот хизмати
Улуғлардан дурдоналар
Ҳар сафар кўришганда сенга пул бериб турадиган дўстингдан кўра ҳар сафар кўришганда сенга айбларингни эслатиб турадиган дўстинг яхшидир.
Билол ибн Саъд раҳимаҳуллоҳ
*****
Илмлари тоғлардек бўлиб, амаллари заррадек бўлиши илми билан риё қилувчиларнинг аломатидандир.
Фузайл ибн Иёз раҳимаҳуллоҳ дедилар:
*****
Аллоҳ таоло Қуръони Каримда:
وَاذْكُرْ فِي الْكِتَابِ إِسْمَاعِيلَ إِنَّهُ كَانَ صَادِقَ الْوَعْدِ وَكَانَ رَسُولًا نَبِيًّا وَكَانَ يَأْمُرُ أَهْلَهُ بِالصَّلَاةِ وَالزَّكَاةِ وَكَانَ عِنْدَ رَبِّهِ مَرْضِيًّا
“Ва китобда Исмоилни эсла. Албатта, у ваъдасига содиқ ҳамда Расул ва Набий бўлган эди. У аҳлини намозга ва закотга буюрар эди ва Робби ҳузурида рози бўлинган эди” деган. (Марям сураси, 54-55-оятлар)
Ким нубувват хислатларидан бир хислатни олишни (хислатга эга бўлишни) истаса, аҳлини намозга буюрсин.
Шайх Муҳаммад Мутаваллий Шаъровий раҳимаҳуллоҳ
*****
- Одамларни рози қилиш етиб бўлмас орзудир.
- Аллоҳнинг розилиги тарк қилинмайдиган, буюк орзудир!
- Етиб бўлмайдиганини тарк эт!
- Тарк қилинмайдиганини топишга урин!
*****
Молик ибн Анас раҳимаҳуллоҳ шундай деганлар:
“Муҳаммад ибн Мункадир қориларнинг саййиди эди. Бирор киши ундан ҳадис сўрагудек бўлса, йиғлаб юборарди”.
“Солиҳларнинг ажойиб сўзлари” китобидан
*****
Ким Одобга бепарво бўлса, Суннатлардан маҳрум қилиш билан жазоланади. Ким Суннатларга бепарво бўлса, Фарзлардан маҳрум қилиш билан жазоланади. Ким Фарзларга бепарво бўлса, Маърифатдан маҳрум қилиш билан жазоланади.
Имом Абдуллоҳ ибн Муборак раҳимаҳуллоҳ
*****
— Нима қиляпсиз?
— Тоза ҳаво кириши учун дарча очяпман.
— Дарча очганингиздан кейин сиз айтмасангиз ҳам тоза ҳаво киради. Агар “Азон овози яхшироқ эшитилиши учун” деб ният қилганингизда эди, шу ишингиз учун савоб ҳам олардингиз.
*****
Сиринг асирингдир. Агар уни (бировга) гапирсанг, ўзинг унинг асирига айланасан.
Али ибн Абу Толиб розияллоҳу анҳу
*****
Тўплаб, таржима қилувчи Нозимжон Иминжонов