muslim.uz
Москва жоме масжидида Расулуллоҳга бағишланган фотокўргазма очилди
Москва жоме масжидида Пайғамбаримиз Расулуллоҳ соллаллоҳу алайҳи васалламнинг таваллуд топган кунларига бағишланган фотокўргазманинг очилиши бўлиб ўтди.
Маросимда Москва муфтийси, Россия мусулмонлари диний идораси раисининг муовини Илдар Аляутдинов, унинг ҳамкасби Рушан Аббясов, Туркия Республикасининг Россия Федерациясидаги Фавқулодда ва Мухтор элчиси Меҳмет Самсар, диний ишлар бўйича маслаҳатчиси Умар Фарук Савуран ва элчихона ходимлари иштирок этди.
Россия мусулмонлари диний идораси матбуот хизмати маълумотларига кўра, кўргазма экспозициясида қизиқарли ва ноёб фотосурат асарлар, жумладан, Истанбулдаги Тўпқопи музейида намойиш этилган Пайғамбаримиз Муҳаммад соллаллоҳу алайҳи васалламнинг шахсий буюмлари фотосуратлари мавжуд. Москва муфтийси Илдар Аляутдиновнинг сўзларига кўра, ҳар бир экспонат мўмин-мусулмонлар учун диний ва информацион аҳамиятга эга бўлиб, одамларнинг энг яхшилари – Расулуллоҳ соллоллоҳу алайҳи васалламнинг буюк меросини янада очиб беради.
Кўргазма Москва мусулмонлари диний идораси томонидан Рабиу-л-Аввал ойи шарафига тайёрланган диний-маърифий дастур доирасида очилди. Дастур бир қатор "Муҳаммад – юксак одоб-аҳлоқ эгаси" онлайн маърузалар, Москва жомеъ масжиди анжуманлар залида филм "Умар ибн ал-Ҳаттоб" фильмининг кундалик намойиши, болалар байрам тадбири ва "ДАР" маданий марказида "Қидирув" интеллектуал ўйини ва бошқаларин ўз ичига олади.
Туркиянинг Москвадаги элчихонаси кўмагида кўргазма Россия диний идораси, Москва мусулмонлари диний идораси ва Туркия Республикаси Дин ишлари бошқармаси томонидан ташкил этилмоқда.
Ўзбекистон мусулмонлари идораси Матбуот хизмати
Имом ал-Бухорий раҳматуллоҳи алайҳнинг ҳаётлари (28-қисм)
Имонга келган сеҳргар
Сеҳргарлардан бири айтади: "Мен баъзи бир одамларни сеҳрлаш учун уларга жинларимни юбораман. Баъзи кишиларни осонлик билан сеҳрлайман. Аммо, баъзиларига жинларимни юборсам, улар: "Биз у одамни овозини эшитдику, аммо ўзини кўрмадик", деб қайтиб келишади. Яна баъзи кишиларга жинларимни юборганимда: "Биз у одамни узоқдан кўрдик, лекин яқинига борганимизда кўзимиздан ғойиб бўлди", дейишади.
Баъзи кишиларни эса, жинларим умуман топа олишмайди. Ундай одамларнинг олдига энг кучли жинларимни юбораман. Шунда, улар ҳам: "Биз у кишини топа олмадик", деб қайтиб келишади.
Ана ундан кейин Ифрит деб аталмиш, аввалгилардан ҳам янада кучлироқ бўлган жинларимни юбораман. Улар: "Мағрибу машриқни кезиб чиқдик, аммо сиз айтган одамни топа олмадик", деб қайтиб келишади.
Шунда мен уларга: "Қандай қилиб топа олмайсизлар, у ҳозир уйида ўтирибди, фалон маҳалла, фалон уйда яшайди, деб манзилигача айтиб бераман. Улар: "Биз сиз айтган манзилга ҳам бордик, аммо у киши у ерда ҳам йўқ", дейишади.
Сеҳргар тавба қилиб, сеҳргарлигини ташлаганидан кейин айтадики: "Мен билдимки, одамлар ўзларини ҳимоялаб юришларига қараб бир-бирларидан фарқ қилар эканлар. Кимларнидир, осонлик билан сеҳрлаб қўйиш мумкин, улар осонлик билан бизга ўлжа бўлишади.
Баъзилари, ўзларини асраб юришади, лекин гоҳида намозларини тарк қилиб, Аллоҳни зикр қилишни унутишади. Биз юборган жинлар бундай кишиларни овозини эшитадилару, лекин ўзларини кўра олмайдилар. Аммо, шундай инсонлар бўладики, доимо зикр ва тасбиҳ айтиб ўзларини муҳофаза қилиб юрадилар. Бундай кишиларни гарчи ораларида юрган бўлсада жинлар кўра олмайдилар ҳам, топа олмайдилар ҳам. Шундан билдимки, Аллоҳ таоло Қуръон тиловати ва зикрнинг шарофати билан уларни жин ва шайтонлардан муҳофазалаб қўяр экан. Аллоҳ таоло бундай марҳамат қилади: “(Эй, Муҳаммад!) Cиз Қуръон қироат қилганингизда, Биз Сиз билан охиратга ишонмайдиганлар ўртасига кўринмас парда тортиб қўюрмиз” (Исро сураси, 45-оят).
Ҳомиджон домла Ишматбеков,
Ўзбекистон мусулмонлари идораси
раисининг биринчи ўринбосари.
Диний-маърифий соҳада амалга оширилган ислоҳотлар рақамларда (видео)
Уламолар Россиядаги ватандошлар билан учрашади
Тошкент вилояти бош имом-хатиби Жасур домла Раупов ва Фарғона вилояти Тошлоқ тумани бош имом-хатиби Шукрулло домла Эгамбердиевлар Россия Федерациясининг Москва ва Санк-Петербург шаҳарларига хизмат сафари билан жўнаб кетди.
Уламоларимиз жорий йил 21-25 октябрь кунлардаги сафари давомида Россия Федерациясидаги соҳа вакиллари билан учрашувлар ўтказишади, Москва ва Санк-Петербург шаҳарларига ўқиш, иш, саёҳат ва бошқа мақсадлар билан борган ватандошларимиз билан маърифий суҳбатлар қилишади.
Ушбу сафардан хориждаги ватандошлар истиқомат қилаётган ҳудудларда ижтимоий-маънавий муҳитни янада соғломлаштириш, уларни ёт ғояларнинг бузғунчи оқибатларидан огоҳлантириш, динимизнинг моҳиятини еткизиш, юртимизда барча соҳаларда амалга оширилиётган ислоҳотлар хабардор қилиш каби мақсадлар кўзланган.
Аллоҳ таоло уламоларимизнинг сафарини хайрли ва манфаатли қилсин!
Ўзбекистон мусулмонлари идораси матбуот хизмати