Дунё янгиликлари

Бишкекда II Халқаро анжуман ўтказилмоқда

Қирғизистон Республикасининг пойтахти Бишкек шаҳрида иккинчи халқаро "Замонавий дунёвий давлатда Ислом" мавзусидаги конференция ўз ишини бошлади. Бу ҳақда kabar.kg нашри хабар берди.

Бугун, 15 ноябрь куни Бишкекда Қирғизистон Президенти томонидан очилган анжуман Ала-Арча давлат қароргоҳида ўтказилмоқда.

Ушбу анжуманда иштирок этиш учун дунёнинг 20 дан ортиқ мамлакатидан экспертлар ва мутахассислар ташриф буюргани қайд этилди.

Анжуманда диний ва диншунослик таълимининг моделлари ва амалиёти, ОАВ ва интернет тармоғида диний масалаларнинг ёритилиши, кўп миллатли жамиятда ёшларнинг ўрни мавзуларида муҳокамалар олиб борилиши айтилган.

ЎМИ Матбуот хизмати

215 марта ўқилди

Янгиликлар

Top