Дунё янгиликлари

Халқаро Қуръони карим мусобақаси ўтказилди

Танзания Ислом ишлари Олий Кенгаши Қуръони каримни ёдлатиш бўйича Хайрия уюшмаси билан ҳамкорликда Халқаро Қуръони карим мусобақасини ўтказди. Мазкур мусобақага жами 20 та давлат вакиллари, Танзания Президенти ноиби,  Танзания Республикаси собиқ Президенти, Танзания Муфтийси, Саудия Арабистони Подшоҳлигининг Танзаниядаги элчиси ноиби ва шунингдек, бир қатор уламолар, Қуръони карим ҳофизлари ва танзаниялик фуқаролар иштирок этишди.

Мусобақа Қуръони карим тиловати билан бошланди. Сўнгра маҳаллий ва хорижий вакиллар сўзга чиқиб, мазкур мусобақани ўтказишга раҳбарлик қилган Танзания ҳукуматига ва мусобақа ташкилотчиларига самимий ташаккурларини изҳор этишди. Қуръони каримнинг фазилати, мусобақанинг аҳамияти ҳақида тўхталиб ўтишди, шунингдек, маърузачилар ўз нутқларида талабаларни Қуръони каримни ёд олишга ва Қуръони карим илмларини чуқур ўрганишга чақирдилар.

Тадбир якунида Қуръони карим ҳофизи, Доктор Абдуллоҳ Басфар Қуръони каримга хизмат қилган шахс сифатида тақдирланди. Шундан сўнг, Қуръони карим мусобақаси ғолиблари ва иштирокчиларига махсус совринлар ва фахрий ёрлиқлар топширилди.

 

Халқаро алоқалар бўлими ходими

Илёс АҲМЕДОВ таржимаси

824 марта ўқилди

Янгиликлар

Top