Дунё янгиликлари

Қуддус – араб туризми пойтахти

Араб туризми ташкилоти Қуддус шаҳрини 2018 йилги араб туризми пойтахти деб эълон қилди.

Саудия Арабистонининг "SPA" агентлиги хабарига кўра, Араб туризми ташкилоти раҳбари Бандар бин Фаҳд Фуҳайд ушбу қарор ташкилотнинг ўтган йил Қоҳирада ўтказилган йиғилиши тавсиясига кўра қабул қилинганини билдирди.

Қарордан мақсад Қуддуснинг араблар онгидаги ўрнини мустаҳкамлаш ҳамда шаҳарнинг диний ва тарихий аҳамиятига эътибор қаратишдир.

Араб туризми ташкилоти ҳар йили араб мамлакатларидаги бир шаҳарни туризм пойтахти сифатида танлаб, ўша шаҳарнинг тарихий, маданий ва туристик аҳамиятини ёритувчи фаолиятларни амалга оширади.

ЎМИ Матбуот хизмати

322 марта ўқилди

Янгиликлар

Top