Ливерпулдаги маҳаллий масжид жамоа аъзолари билан фаол ишлаш бўйича уларнинг саъй-ҳаракатларини тан олиш белгиси сифатида 2021 йилда аҳоли билан ишлаш учун нуфузли мукофотни олди.

Islam.ru хабарига кўра, Токстетдаги ливерпуллик Ар-Раҳма масжидига Beacon Mosque Awards "Энг яхши ахборот хизмати" мукофоти берилди.

"Ар-Раҳма масжиди, Ливерпуль мусулмонлар жамоати ва Ливерпуль аҳли учун бундай нуфузли мукофотни олиш катта шарафдир", - деди масжид вакили.

Beacon Mosque Awards мукофотлари Буюк Британиянинг ижтимоий ҳаётига ҳисса қўшадиган маҳаллий жамоаларда масжидлар ва ислом марказларининг ролини таъкидлаш учун ташкил этилган.

Ушбу ташаббус институтларни турли йўллар билан, жумладан, ёшлар иши, бошқарув амалиёти, етакчилик ва масжидни қўллаб-қувватлашга даъват этади.

Ҳакамлар одатда Рамазон масжидидаги ифторликлар, уйсиз ва қарияларни қўллаб-қувватлаш, қон топшириш, мактабга ташриф буюриш каби жамоат хизматини кўриб чиқади.

Ўзбекистон мусулмонлари идораси матбуот хизмати

Тошкент шаҳар бош имом-хатиби

Саййид Раҳматуллоҳ Термизий

НАСА космик базасига БААдан икки астронавт келди. Уларни НАСА раҳбари Билл Нельсон қутлади. БААда истиқомат қилувчи 28 ёшли, касби бўйича муҳандис Нура ал-Матруши ва 33 ёшли Дубай полицияси вертолёти учувчиси Муҳаммад Ал-Мулла Халқаро космик станция ва Ойга миссияларда иштирок этиш учун 2 йиллик тайёргарликдан ўтади.

Islam.ru хабарига кўра, ҳижобдаги муслима аёл Нура ал-Матруши БААнинг биринчи аёл астронавтига айланди. Аввалроқ НАСА дастури доирасида ўтказилган биринчи ўқув йилини Амирликлар вакиллари Ҳазза Ал-Мансури ва Султон Ал-Неяди якунлаган эди.

Ўзбекистон мусулмонлари идораси матбуот хизмати

ЎМИ матбуот хизмати

Хабар берганимиздек, бугун, 14 декабрь куни Ўзбекистон мусулмонлари идораси тасарруфидаги Имом Бухорий номидаги Тошкент ислом институтида “Декабрь – Қуръон қироати ва илмлари фан ойлиги” муносабат билан институт талабалари ўртасида “Қуръон мусобақаси – 2021” кўрик-танлови ўтказилди. Ушбу мусобақа Диний идоранинг muslim.uz портали орқали онлайн узатилди. 

Тадбирни институт ректори Уйғун домла Ғафуров кириш сўзи билан очди. Сўнг Ўзбекистон мусулмонлари идораси Қуръони карим ва тажвидни ўргатиш бўлими мудири Шайх Алижон қори Ҳайдаров иштирокчиларга мувафаққият тилади, Диний идора бўлим мудири Муҳаммад Айюбхон домла Ҳомидов мусобақа фаолиятига хайрли дуо қилиб берди.

Мусобақада қориларнинг иштирокини Таҳфизул Қуръон кафедраси мудири Жаҳонгир қори Неъматов, кафедраси ўқитувчилари Исломхон қори Убайдуллаев, Валихон қори Азимбоев, Аҳмадхон қори Рашидов, Абдулбосит қори Қобилов, Элёр қори Аҳмадқуловлар баҳолаб борди.  

Тадбирни Таҳфизул Қуръон кафедраси ўқитувчиси Жаҳонгир қори Рўзиев олиб борди.

Мусобақа мураттаб ва мужаввид йўналишида бўлиб ўтди. Ҳакамлар ҳайъати қориларнинг ҳифз, савт, тараннум ва тажвид йўналишлари бўйича илм ва маҳоратларини баҳолаб бордилар.

Якуний натижага кўра ғолиблар қўйидагича бўлди:

Мураттаб қорилар йўналишида:

1-ўрин: Оятуллоҳ қори Абдуқодиров, 3-курс;

2-ўрин: Аҳмадилло қори Ғофуржонов, 4-курс;

3-ўрин: Сирожиддин қори Шодмонов, 4-курс.

Мужаввид қорилар йўналишида:

1-ўрин: Маҳмуджон қори Ашуров, 1-курс;

2-ўрин: Мадумаржон қори Маҳамаджонов, 1-курс;

3-ўрин: Фозилжон қори Акрамов, 3-курс.

Ғолибларга институт раҳбарияти томонидан махсус диплом ва қимматбаҳо китоблар тўплами топширилди.

Ўзбекистон мусулмонлари идораси матбуот хизмати