Янгиликлар

Афғонистон Президентига Бухорода фахрий докторлик даражаси берилди

Афғонистон Ислом Республикаси Президенти Муҳаммад Ашраф Ғани расмий ташриф билан Ўзбекистонда бўлиб турибди.

 

Афғонистон Президенти бугун, 6 декабрь куни Бухоро давлат университети профессор-ўқитувчилари ва талабалари билан учрашди. Бу ҳақда ЎзА хабар берди.

 

Мазкур университет мамлакатимиздаги йирик билим масканларидан бири ҳисобланиб, ундаги 8 факультетда 7 мингдан зиёд талаба ва магистр таълим олмоқда.

 

Афғонистон Президенти университет профессор-ўқитувчилари ва талабалари ҳузурида маъруза қилгани маълум қилинди.

 

Бундан ташқари, Муҳаммад Ашраф Ғанига Бухоро давлат университети фахрий доктори унвони берилгани тўғрисида диплом топширилган.

 

“Дунё илм-фани ва ислом оламида катта ўрин тутган Бухорои шарифни зиёрат қилиш орзуим эди. Муҳтарам Президент Шавкат Мирзиёевга бу имкониятни яратиб бергани учун самимий миннатдорлик билдираман. Ўзбекистон заминидан Имом Бухорий ва Имом Термизий каби буюк алломалар етишиб чиққан. Бу ерда таълим олаётган ёшлар мана шундай боболарига муносиб бўлиб вояга етишмоқда”, деди Президент Муҳаммад Ашраф Ғани.

 

Афғонистон раҳбари университетнинг Фахрий меҳмонлар китобига дастхат қўйгани ҳам қайд этилди.

 

140 марта ўқилди
Другие материалы в этой категории: « Кенгфеъллик – айни бағрикенглик
Top