Ўзбекистон янгиликлари

Имом-хатиблар учун махсус ўқув семинар

 

Бугунги кун имом-хатиби диний ва дунёвий билимларни пухта эгаллаган, фикри теран, дунёда юз бераётган воқеа-ҳодисалардан хабардор, халқни эзгулик ва бирдамликка чақирувчи, бир сўз билан айтганда, чинакам маърифат пешвоси бўлмоғи лозим. Ана шу улуғвор ғоядан келиб чиққан ҳолда, Самарқанд вилояти имом-хатиблари учун махсус ўқув семинар ташкил этилди. Машғулотларни юқори савияда ташкил этиш мақсадида ҳудудларда барча шарт-шароитлар ҳозирланди, жамоат тартибини сақлаш инспекторлари ва шифокорлар жалб этилди.
Ушбу ўқув семинарлар Самарқанд ва Каттақўрғон шаҳри, Пастдарғом, Пайариқ ҳамда Ургут туманларида бўлиб ўтди. Семинар машғулотлари Имом Бухорий халқаро илмий-тадқиқот маркази, Ўзбекистон халқаро ислом академияси ўқитувчилари, вилоятдаги олий таълим муассасалари илмий ходимлари ва профессор ўқитувчилари орасидан танлаб олинган мутахассис маърузачилар томонидан юқори савияда олиб борилди.
Ташкил этилган ўқув семинарлари имом-хатиблар учун ҳар жиҳатдан фойдали бўлиб, албатта, уларнинг келгусидаги фаолиятларида ўзининг ижобий самарасини беради. Зеро, мазкур семинарларни ўтказишдан кўзланган мақсад ҳам шундан иборат.
Эслатиб ўтамиз, бугун, 18 октябрь куни, икки кун давом этган ўқув семинар ўз ниҳоясига етди.

Дин ишлари бўйича қўмита
Матбуот хизмати

180 марта ўқилди

Янгиликлар

Top