27 июнь куни Кувайт шаҳрининг халқаро аэропортида «Аль-Жазира» авиакомпаниясининг «Ал-Кувайт–Тошкент» йўналиши бўйича биринчи ҳаво қатнови очилишига бағишланган маросимда Ўзбекистон элчихонаси ходимлари иштирок этди, деб хабар бермоқда «Дунё» АА.
Ушбу тантанали тадбирда Кувайт авиация маъмурияти, «Ал-Жазира» авиакомпанияси раҳбарлари, бизнес ҳамжамияти, сайёҳлик агентликлари ва ОАВ вакиллари ҳозир бўлди.
«Ал-Жазира» авиакомпанияси бош директори Роҳит Рамачандран ўз нутқида Қувайт ва Ўзбекистон пойтахтлари ўртасида тўғридан-тўғри ҳаво қатновининг очилиши муҳим аҳамиятга эга эканлигини таъкидлади.
Ўзбекистон мусулмонлари идораси матбуот хизмати
