“Китобсевар миллат” шиори остида 2022 йил 2-4 ноябр кунлари Тошкент шаҳридаги “Ўзэкспомарказ” мажмуасида “Tashkent Book Fest” III Тошкент халқаро китоб кўргазма-ярмаркаси бўлиб ўтди.
Талабаларнинг бўш вақтини мазмунли ўтказиш ҳамда Республикамиз ижтимоий-маънавий сохада бўлаётган янгиликлар билан таништириш ҳамда китобхонлик маданиятини ошириш мақсадида Кўкалдош ўрта махсус ислом таълим муассасаси талабалари «Ёшлар билан ишлаш, маънавият ва маърифат бўлими бошлиғи» бошлиғи А.Ғаниев ҳамроҳлигида кўргазма-ярмаркага ташриф буюрдилар.
Ушбу ярмаркада китоб мутолааси ва китобхонлик маданиятини оширишга бағишланган тадбирлар, хорижий ва маҳаллий китоб маҳсулотлари билан танишиш, янги асарлар тақдимоти, ёзувчи, шоирлар ҳамда соҳа мутахассислари билан ташкил этиладиган давра суҳбатлари, семинарлар, маҳорат дарслари ва тренинглар ўтказилди.
Таълим муассасаси талабалари мазкур китоб ярмаркасида бўлиб ўтган барча тадбирларида қатнашиб ўзлари учун керакли маълумотлар олдилар ва улкан таассуротлар билан қайтдилар.
«Кўкалдош» ўрта махсус ислом таълим муассасаси матбуот бўлими
