Бугун, 12 апрель куни Кувайт давлати амири Шайх Собаҳ ал-Аҳмад ҳазрати олийлари раҳбарлигидаги IX халқаро Қуръони карим мусобақаси давом этади.
Юртимизнинг икки нафар вакили – Тошкент шаҳридаги “Ҳазрати Имом” жоме масжиди имоми ноиби Исмоилжон қори Қурбонов ва Тошкент ислом институти талабаси Абдулазиз қори Раҳмонбердиев ҳифз ва мужаввид йўналишида мусобақада иштирок этмоқда.
Бугун, 12:00да қирғизистонлик қорининг чиқишидан сўнг ватандошимиз Абдулазиз қорининг чиқишини кузатинг.
Қориларимизга ушбу нуфузли мусобақада совринли ўринларни қўлга киритишида Аллоҳдан муваффақият ва омадлар тилаб қоламиз.
Мусобақа 18 апрелга қадар давом этади.
ЎМИ Матбуот хизмати
