Ўзбекистон янгиликлари

Вакилларимиз хабар қилади: мадрасада хатмона

Жорий йилнинг 18-июнь куни Муҳаммад ибн Аҳмад ал-Беруний номидаги ўрта махсус ислом билим юртида 2017-2018-ўқув йили битирувчи талабаларнинг хатмона кечаси бўлиб ўтди. Кечага мадраса ўқитувчилари, Қорақалпоғистон мусулмонлари қозиёти ходимлари, масжид имом-хатиблари ва ота-оналар иштирок этди.

Дастлаб, Қорақалпоғистон мусулмонлари қозиёти қозиси, мазкур мадраса мудири Шамсутдин Бауатдинов сўзга чиқиб, сўнги йилларда диний соҳада амалга оширилган ислоҳотлар, мўмин-мусулмонларга яратилаётган имкониятлар, кўз қувонарлик даражадаги янгиликлар, шунингдек, Нукус мадрасаси талабаларининг эришган юутуқлари ҳақида бирма-бир тўхталди. Мадраса битирувчиларини табриклаб, уларнинг келажакдаги ишларига муваффақият, олийгоҳ талабаси бўлишлари учун омадлар тилади.

Тадбир давомида мадраса битирувчилари иштирокида ажойиб нашидалар ижро этилди. Битирувчилар мадрасада таълим олиш давомида илмнинг сир-синоатларини ўрганишда йўл кўрсатган азиз устозларига ўзларининг миннатдорликларини изҳор этишди.

 

 

Исламатдин АЛЛАНОВ

Қорақалпоғистон мусулмонлари қозиёти ходими

514 марта ўқилди

Янгиликлар

Top