Saudiyada Islomni qabul qilganlar soni e'lon qilindi
Saudiya Arabistoni so'nggi yillarda Qirollik mehmonlari tomonidan Islom dinini qabul qilish ko'lami bo'yicha ta'sirchan statistik ma'lumotlarni e'lon qildi.
Mamlakat Islom ishlari, da'vat va irshod vazirligi ma'lumotlariga ko'ra, so'nggi 5 yilda Saudiya Arabistonida erkak va ayoldan iborat 347 646 nafar kishi Islom dinini qabul qilgan, deb yozadi “IslamNews” “Saudi Gazette” matbuotiga tayanib.
Shuningdek, yildan-yilga Islom dinini qabul qilganlar soni jadal o'sib bormoqda. Agar 2019 yilda Saudiya Arabistonidan 21 654 nafar mehmon musulmon bo'lgan bo'lsa, 2023 yilda ularning adadi 163 319 kishiga etdi.
O'zbekiston musulmonlari idorasi
Matbuot xizmati
Namozim buzildimi?
Savol: Masjiddagi jamoatda ba’zan oldingi safdagi odamning kiyimi kalta bo‘lgani uchun sajdada orqasi qisman ochilib qoladi va bexosdan unga ko‘zimiz tushib qoladi. Shu holatda tahorat yoki namozimiz buzilmaydimi?
Javob: Bismillahir Rohmanir Rohiym. Ulamolar tahorat va namozni buzuvchi omillarni birma-bir sanaganlar. Ular ichida birovning avratiga ko‘z tushib qolish sababli buziladi, degan gap yo‘q. Birovning, xoh ayolning, xoh erkakning avratiga qarash sababli bavl yoki biror suyuqlik chiqmasa, tahorat sinmaydi. Ammo bu degani qarash, nazar solish mumkin ekan, deb tushunmaslik kerak. Chunki bunday ishlar aslo mumkin emas.
Bir narsani yodda tutish lozimki, namoz o‘qish uchun tayyorlanayotgan inson namoz o‘qish asnosida avratlari ochilib qolmasligining chorasini ko‘rishi kerak bo‘ladi. Chunki bir rukn (farz amali) miqdoricha avratining to‘rtdan biri ochilib tursa, uning namozi buziladi. Vallohu a’lam.
O‘zbekiston musulmonlari idorasi
Fatvo markazi
- «
- »