31 Март, 2025, 2 Шаввол, 1446
31 Март, 2025, 2 Шаввол, 1446
Ўзбекистон мусулмонлари идораси тизимидаги имом-хатиблар муборак рамазон ойида катта хайрли ишларни амалга оширмоқда. Рамазон ойининг илк хафтасида имом-хатиблар саховатпеша инсонлар ва ҳомийларни жалб қилган ҳолда, аҳолимизнинг боқувчисини йўқотган, имконияти чекланган ва кам таъминланган оилаларга жами 1 989 120 504 (бир миллиард тўққиз юз саксон тўққиз миллион беш юз тўрт) сўмлик озиқ-овқат маҳсулотлари, кийим кечак ва зарур рўзғор анжомларини эҳтиёжманд оилаларга тарқатишди.
Телевидение ва радиода 80 га яқин кўрсатув ва эшиттиришларда Рамазони шариф фазилати ва бошқа долзарб мавзуларда чиқишлар қилишди. Интернет сайти ва ижтимоий тармоқларда турли мавзуларда 400 га яқин видео роликлари қўйилди. Ёшлар таълим тарбияси ва турли ёт ғоялар таъсирига тушиб қолишнинг олдини олиш мақсадида 100 дан зиёд маърузали чиқишлар амалга оширилди.
Аллоҳ таоло имомларимизнинг қилаётган хайрли амалларига кўмакчи бўлсин, эҳтиёжманд инсонларга қилинаётган хайрли ишларнинг файзини бунданда зиёда айласин!
Ўзбекистон мусулмонлари идораси масжидлар бўлими
Уйнинг томига чиқиб олган эчки шу атрофдан ўтиб қолган бўрини ҳақорат қила бошлади. Бўри тепада турган эчкига қараб: “Мени ўзингга эмас, турган жойингга ишониб ҳақорат қиляпсан”, деди ва нари кетди. Бироздан сўнг эчки томда зерикиб, қорни очиб, пастга тушди ва яйловга қараб юрди. Уни панада пойлаб турган бўри бир зумда тутиб, бўғзидан олди...
Хулоса шуки, бу беш кунлик дунёда бир-биримизга ҳаётда қандай мавқега эга бўлишимиздан қатъий назар фақат яхшилик қилиб яшайлик. Зеро, яхшилигимиз ҳам, ёмонлигимиз ҳам эртага Қиёматда ўзимизга қайтиши ҳақида Аллоҳнинг сўзи бор: “Бас, ким зарра оғирлигида яхшилик қилса ҳам кўради. Ким зарра оғирлигида ёмонлик қилса ҳам кўради” (Залзала сураси, 7-8-оятлар).
Акбаршоҳ Расулов
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа