Муҳтож миллионлаб одамлар учун қиш соғ-омон қолиш учун жиддий курашни билдиради. Айниқса, пандемия пайтида. Шу сабабли, бу йил ислом хайрия ташкилотлари йил давомида иссиқ кийимларга муҳтож бўлганларга ёрдам кўрсатиш бўйича ўз кампанияларини бошлади. Қишки ёрдам биринчи навбатда Афғонистон, Бангладеш, Ливан, Босния, Иордания, Мўғулистон, шунингдек, Покистон, Яман, Туркия, Косово ва Грецияда, лекин, айниқса, совуқдан азият чекаётган қочқинлар лагерларидаги муҳтожларга қаратилган.
"Биз бу йил турли мамлакатлардаги муҳтож одамларни қамраб олишни истаймиз", дейди Hasene турк хайрия ташкилоти раиси Месуд Губаҳар. Адёл, кийим-кечак, кўмир ва иситиш каби асосий эҳтиёжлардан ташқари, озиқ-овқат ёрдами тақсимланади. Ливандаги қочқинлар лагерлари иситиш учун ёқилғи билан қўллаб-қувватланади. Islam.ru маълумотларига кўра, Мўғулистон учун кўмир билан ёрдам бериш режалаштирилган. "Совуқ кунларда илиқлик улашинг" шиори остида Осиё, Африка, Европа ва Болқондаги муҳтож одамларга қишки ёрдам доирасида қишки кийим-кечак, печка, кўрпача ва ўтин кўринишидаги ёрдам кўрсатилади.
Ўзбекистон мусулмонлари идораси матбуот хизмати
Ўзбекистон мусулмонлари идораси Бухоро вилояти вакиллиги ташаббуси билан Бухоро шаҳар «Абу Бакр ас-Сиддиқ» жомеъ масжидида гапириш ва эшитиш имконияти чекланган фуқаролар учун навбатдаги маънавий-маърифий суҳбат ташкил этилди. Ушбу суҳбатда имом-ноиб Дилшод домла Ходиев маъруза қилиб, «Мусулмоннинг мусулмонга нисбатан эҳтироми» мавзусида батафсил тушунчалар берди.
Тадбир давомида иштирокчиларнинг ақидавий, фиқҳий ва диний-ижтимоий мавзулардаги саволларига жавоб берилди. Жараён малакали сурдо таржимон орқали иштирокчиларга етказилиб, уларнинг тўлиқ фаол иштирокини таъминлади.
Суҳбат якунлангач, ҳомийлар кўмагида иштирокчиларга озиқ-овқат маҳсулотлари улашилди.
Яратган Ҳақ таоло бу хайрли ишларни бардавом ва самарали айласин!
ЎМИ Бухоро вилояти вакиллиги Матбуот хизмати