Сайт тест ҳолатида ишламоқда!
24 Сентябр, 2025   |   2 Рабиъус сони, 1447

Тошкент шаҳри
Бомдод
04:54
Қуёш
06:12
Пешин
12:20
Аср
16:30
Шом
18:21
Хуфтон
19:33
Bismillah
24 Сентябр, 2025, 2 Рабиъус сони, 1447

Мусулмонларни муҳтож кишилар билан "илиқлик улашиш"га чорлашмоқда

19.01.2021   1507   1 min.
Мусулмонларни муҳтож кишилар билан

Муҳтож миллионлаб одамлар учун қиш соғ-омон қолиш учун жиддий курашни билдиради. Айниқса, пандемия пайтида. Шу сабабли, бу йил ислом хайрия ташкилотлари йил давомида иссиқ кийимларга муҳтож бўлганларга ёрдам кўрсатиш бўйича ўз кампанияларини бошлади. Қишки ёрдам биринчи навбатда Афғонистон, Бангладеш, Ливан, Босния, Иордания, Мўғулистон, шунингдек, Покистон, Яман, Туркия, Косово ва Грецияда, лекин, айниқса, совуқдан азият чекаётган қочқинлар лагерларидаги муҳтожларга қаратилган.
"Биз бу йил турли мамлакатлардаги муҳтож одамларни қамраб олишни истаймиз", дейди Hasene турк хайрия ташкилоти раиси Месуд Губаҳар. Адёл, кийим-кечак, кўмир ва иситиш каби асосий эҳтиёжлардан ташқари, озиқ-овқат ёрдами тақсимланади. Ливандаги қочқинлар лагерлари иситиш учун ёқилғи билан қўллаб-қувватланади. Islam.ru маълумотларига кўра, Мўғулистон учун кўмир билан ёрдам бериш режалаштирилган. "Совуқ кунларда илиқлик улашинг" шиори остида Осиё, Африка, Европа ва Болқондаги муҳтож одамларга қишки ёрдам доирасида қишки кийим-кечак, печка, кўрпача ва ўтин кўринишидаги ёрдам кўрсатилади.

Ўзбекистон мусулмонлари идораси матбуот хизмати

Дунё янгиликлари
Бошқа мақолалар

Расулуллоҳ ﷺ "Сизларнинг яхшиларингиз" деган инсонларнинг 7 тоифаси

18.10.2024   6702   1 min.
Расулуллоҳ ﷺ

 Расулуллоҳ соллаллоҳу алайҳи васаллам: “Сизнинг энг яхшиларингиз – Қуръонни ўрганиб, уни бошқаларга ўргатганингиздир”, деганлар (Имом Бухорий ривояти).

 

Расулуллоҳ соллаллоҳу алайҳи васаллам: “Сизнинг яхшиларингиз – аҳли-оиласига яхшилик қилувчиларингиздир”, дедилар (Имом Абу Довуд, Имом Термизий ривояти).

 

Расулуллоҳ соллаллоҳу алайҳи васаллам: “Сизнинг яхшиларингиз – умри узун ва амали гўзал бўлганингиздир”, дедилар (Имом Аҳмад, Имом Ибн Ҳиббон, Имом Байҳақий ривояти).

 

Расулуллоҳ соллаллоҳу алайҳи васаллам: “Сизнинг яхшиларингиз – яхшилигидан умид қилинувчи ва ёмонлигидан омонда бўлинувчингиздир”, дедилар (Имом Термизий, Имом Ибн Ҳиббон ривояти).

 

Расулуллоҳ соллаллоҳу алайҳи васаллам: “Сизнинг яхшиларингиз (одамларга) таом берадиган ва саломга алик оладиганингиздир”, дедилар (Имом Аҳмад ривояти).

 

Расулуллоҳ соллаллоҳу алайҳи васаллам: "Сизнинг яхшиларингиз қарзини гўзал адо этувчиларингиздир", дедилар (Имом Бухорий, Имом Муслим ривояти).

 

Расулуллоҳ соллаллоҳу алайҳи васаллам: "Сизнинг энг яхшиларингиз ахлоқи яхшиларингиздир", (Имом Бухорий, Имом Муслим ривояти). 

Даврон НУРМУҲАММАД