15 Ноябр, 2025, 24 Жумадул аввал, 1447
15 Ноябр, 2025, 24 Жумадул аввал, 1447
Ўзбекистон аҳолисининг катта қисмини ислом динига эътиқод қилувчи юртдошларимиз ташкил этади. Банк Ахборот хизмати билдиришича, бу эса мамлакатда ислом молия соҳасини жадал ривожлантириш имконини беради. Муҳими, бу борада амалий-саъй-ҳаракатлар бошланган.
Мана, энди акциядорлик тижорат Халқ банки ҳам ана шу қизғин жараённинг фаол иштирокчисига айланди. Яъни Хусусий секторни ривожлантириш бўйича Ислом корпорацияси (ICD) билан истиқболли шартномани имзолади. Унга мувофиқ, банкда шаръий тамойиллар асосида фаолият юритадиган “Исломий дарча” очилиши режалаштирилмоқда.
— Мазкур хайрли ташаббус натижаси, биринчи навбатда, мусулмон юртдошларимиз учун кенг имконият ва қулайликлар яратади, — дейди Халқ банки Бошқаруви Раиси Фарҳод Саламов. — Қолаверса, бундан банкимиз ҳам катта манфаат кўриши, шубҳасиз. Эзгу ниятлар билан бошлаётган ишимиз келажакда кутилган натижаларни беришига ишончим комил. Негаки, Хусусий секторни ривожлантириш бўйича Ислом корпорацияси — узоқ йиллик молиявий ҳамкоримиз ва вақт синовидан ўтган ишончли шеригимиздир.
— Ислом моялиясининг асосий мақсадларидан бири, бу реал иқтисодиётга ижобий таъсир қилиш ва унинг ўсишини таъминлашдан иборат, — дейди Хусусий секторни ривожлантириш бўйича Ислом корпорацияси Бoш директори Айман Седжини. — Шу мақсадда Халқ банки билан ҳамкорликда “Исломий дарча” очишни мақсад қилдик. Албатта, бу келишувиз мамлакатда банк хизматларидан фойдаланмаётган мижозлар учун ҳам қўл келади. Чунки, бу “Исломий дарча”ни очиш орқали мижозларга ва жисмоний шахсларга уларнинг эътиқодидан келиб чиққан ҳолда муқобил молиявий хизмат турларини таклиф қилиш ҳамда уларнинг молиявий эҳтиёжларини қондириш мумкин бўлади.
Онлайн мулоқот якунида Халқ банки Бошқаруви Раиси ҳамда Ислом корпорацияси Бoш директори томонидан “Исломий дарча” очиш юзасидан шартнома имзоланди.
Ўзбекистон мусулмонлари идораси матбуот хизмати
Ҳар бир сеҳргарнинг содда инсонларни алдайдиган белги ва аломатлари бор. Аксарият сеҳргарларда қуйидаги белгилар кузатилади:
1. Ҳузурига келган одамнинг исмини, онасининг исмини, ёшини сўраш. Бу сеҳргарнинг энг кўзга кўринган белгисидир.
2. Ҳузурига келган кишидан шахсий нарса талаб қилиш. Масалан: соч ёки тирноқ бўлаги ва ҳ.к.
3. Сеҳрламоқчи бўлган одамнинг расмини сўраш.
4. Тутатқилардан фойдаланиш. Улар бу билан ўзларига жинларни чақирадилар.
5. Тунда ишлаш. Бу уларнинг энг кенг тарқалган аломати. Уламолардан бири айтади: “Сеҳрнинг кучи ва таъсири кеч тушганда кучаяди. Шу сабабли, сеҳргарлар кундуз куни бўлса ҳам, қоронғу жойда қинғир ишларини бажарадилар.
6. Тингловчига тушуниш қийин, тушунарсиз сўзларни айтиш: минғирлаш ва лабларни ҳаракатлантириш.
7. Даволаниш вақтида Қуръон оятлари ва ҳадисларни ғўлдирадиган гаплар билан аралаштириш. Бу орқали одамлар тасаввурида “Қуръондан ўқияпти” деган фикр пайдо бўлади.
8. Белги ва жадваллар ёзилган китоблардан фойдаланиш.
9. Хар хил белги, ҳарф, рақам, доира ва жадваллар ёзилган китоблардан фойдаланиш.
10. Беморга учбурчак ёки ўралган квадрат шаклдаги туморлар бериш.
Сеҳргарлар туморни эътиборсиз қолдирмасликни алоҳида таъкидлайди. Агар унга бефарқлик қилса, касалликка йўлиқиши ёки бирор мусибатга мубтало бўлиши билан қўрқитади.
Шунингдек, беморга ҳарф, жадвал ва рақамлар ёзилган қоғозларни беради. Уларни сувга ботириб, кейин сув ичишни ёки у билан чўмилишни буюради.
Агар сиз сеҳргарларнинг шу ва шунга ўхшаш аломатларидан бирини кўрсангиз, эътиқодингизни бузишдан сақланинг ва улардан узоқ бўлинг. Чунки ким Аллоҳ учун бирор нарсани тарк этса, Аллоҳ таоло уни ундан афзалига етказади.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа