19 Ноябр, 2025, 28 Жумадул аввал, 1447
19 Ноябр, 2025, 28 Жумадул аввал, 1447
Ўзбекистон мусулмонлари идораси жамоаси Сурхондарё вилояти Термиз шаҳрида жойлашган “Мурч бобо” жоме масжиди имом-хатиби Низомиддин домла Чориевнинг волидаи муҳтарамаси вафоти муносабати билан чуқур таъзия изҳор этади.
Табаррук ёшда охират сафарига кузатилаётган онахон узоқ йиллар мобайнида Сурхондарё вилояти бош имом-хатиби вазифасидан меҳнат қилган марҳум Тошболта домланинг рафиқалари бўлиб, дину диёнат йўлида хизмат қиладиган солиҳ фарзандларни тарбияладилар. Улардан бири Низомиддин домла Чориев кўп йиллардан буён Ислом дини ва мўмин-мусулмонларимиз хизматида бардавом бўлмоқда.
Аллоҳ таоло марҳума онахонни Ўз мағфиратига олсин! Ғариқи раҳмат, шоистаи жаннат, охиратларини обод қилсин! Барча яқинларига сабру жамил ато айлаб, ажру мукофотларини кўпайтириб берсин!
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Низомиддин домла Чориевга ва марҳуманинг яқинларига ҳамдардлик билдирамиз.
Иннаа лиллааҳи ва иннаа илайҳи рожиъуун.
Самарқанд вилоятида Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг “Эй бандаларим” номли янги китобига бағишланган тақдимот тадбири ўтказилди.
Мазкур маърифий анжуманда вилоят бош имом-хатиби ўринбосари Хайрулло домла Саттаров, шаҳар ва туман бош имом-хатиблари, шунингдек Ургут туманида хизмат қилаётган имом-хатиблар иштирок этдилар.
Тадбир давомида Хайрулло домла Саттаров Муфтий ҳазратларининг ушбу асари ҳақида батафсил маълумот берди. У кишининг таъкидлашича, “Эй бандаларим” китоби қалб тарбияси, маънавий юксалиш ва инсоннинг исламий ахлоқ-одобини юксалтиришга қаратилган муҳим манба ҳисобланади. Шунингдек, асарнинг ўзига хос мазмун-моҳияти, тарбиявий аҳамияти ва ўқувчига берадиган руҳий таъсири ҳақида ҳам алоҳида тўхталиб ўтилди.
Тақдимот маърифий мулоқотлар ва китоб атрофидаги фикр алмашинувлар билан давом этди.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа