Сайт тест ҳолатида ишламоқда!
09 Июл, 2025   |   14 Муҳаррам, 1447

Тошкент шаҳри
Бомдод
03:16
Қуёш
04:58
Пешин
12:33
Аср
17:41
Шом
20:02
Хуфтон
21:37
Bismillah
09 Июл, 2025, 14 Муҳаррам, 1447

Масжидул ҳаром Саудиядаги мусулмонларга очилди   

20.10.2020   1613   1 min.
Масжидул ҳаром Саудиядаги мусулмонларга очилди   

Саудия Арабистони фуқаролари ва у ерда яшовчи хорижлик мусулмонлар эндиликда Масжидул ҳаромда ибодат қилиши мумкин. Пандемия туфайли етти ой аввал ёпилган Масжидул ҳаром 18 октябрда Саудия Арабистони ҳукумати қарорига биноан очилди. 

Масжидул ҳаром ва Масжиди набавий ишлари идораси бошлиғи AбдурРаҳмон Судайс мусулмонлар “жаннатнинг бир бўлаги” деб ном олган Равзаи муборакка ташриф буюриши ва намоз ўқиши учун Пайғамбаримиз соллаллоҳу алайҳи ва саллам масжидлари эшиги очилганини эълон қилди.

“Ал-Жазира” хабарида айтишича, айни шу кундан эътиборан умранинг иккинчи босқичи ҳам бошланди, бунда Масжидул ҳаром ва Масжиди набавийнинг 75 фоизгача тўлишига рухсат этилади. 

Эслатиб ўтамиз, Саудия Арабистони ҳукумати 4 октябрдан маҳаллий зиёратчиларнинг, 1 ноябрдан эса хорижлик зиёратчиларига ҳам умра амалларини адо этишга рухсат берган эди. Бу барча мамлакатларга эмас, балки Саудия Арабистони эпидемиологик вазияти хавфсиз, деб топилган давлатлар фуқаролар умра ибодати учун келиши мумкин.

Шу йил март ойида Саудия расмийлари пандемия сабаб Равзаи шарифни ёпган эди. Май ойи охирида Саудия Aрабистони ҳукумати Пайғамбаримиз масжидларини номозхонлар учун қайта очган эди. Бироқ Равзага кириш ҳамон таъқиқланганича давом этаётган эди.

Ўзбекистон мусулмонлари идораси Матбуот хизмати

Дунё янгиликлари
Бошқа мақолалар

Бу зикрни 100 марта айтганмисиз?

30.05.2024   3529   2 min.
Бу зикрни 100 марта айтганмисиз?

Субҳаналлоҳ – Аллоҳ таолога энг севимли калима. Абу Зарр розияллоҳу анҳу айтадилар: “Расулуллоҳ соллаллоҳу алайҳи васаллам менга: “Аллоҳ таолога энг маҳбуб бўлган каломни айтайми? Аллоҳ таоло учун каломларнинг энг яхшиси “Субҳаналлоҳи ва биҳамдиҳи”, деб айтишингдир”, дедилар”.

 

Субҳаналлоҳ – айтишга осон, тарозида оғир келувчи калима. Абу Ҳурайра розияллоҳу анҳу ривоят қиладилар. Расулуллоҳ соллаллоҳу алайҳи васаллам: “Икки калима борки, улар тилга енгил, тарозида оғир ва Раҳмонга маҳбубдир. Улар: “Субҳаналлоҳи ва биҳамдиҳи, Субҳаналлоҳил аъзийм”, дедилар” (Имом Бухорий, Имом Муслим ривояти).

 

Субҳаналлоҳ – Жаннатда боғ бўлувчи калима. Жобир розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Кимки: “Субҳаналлоҳи ва биҳамдиҳи” деса, у учун жаннатда бир хурмо экилади”, дедилар (Имом Термизий ривояти).

 

Субҳаналлоҳ – энг афзал калима. Саҳобалар Расулуллоҳ соллаллоҳу алайҳи васалламдан: “Қайси калом афзал?” деб сўрашди. У зот соллаллоҳу алайҳи васаллам: “Аллоҳ фаришталари ёки бандалари айтишини ихтиёр қилган “Субҳаналлоҳи ва биҳамдиҳи” калимасидир”, дедилар (Имом Муслим ривояти).

 

Субҳаналлоҳ – гуноҳларга каффорат бўлувчи калима. Расулуллоҳ соллаллоҳу алайҳи васаллам: “Ким ҳар намоздан кейин ўттиз уч марта тасбеҳ (Субҳаналлоҳ), ўттиз уч марта ҳамд (Алҳамдулиллаҳ), ўттиз уч марта такбир (Аллоҳу акбар) айтса, жами тўқсон тўққиз бўлади, юзта бўлишига: “Лаа илааҳа иллаллоҳу ваҳдаҳу лаа шарийка лаҳу, лаҳул мулку ва лаҳул ҳамду ва ҳува аъла кулли шайьин қодийр”ни айтса, унинг гуноҳлари денгиз кўпиклари каби бўлса ҳам, мағфират қилинади”, деганлар (Имом Муслим ривояти).

Субҳаналлоҳ – хатоларни кетказувчи калима. Расулуллоҳ соллаллоҳу алайҳи васаллам: “Ким: “Субҳаналлоҳи ва биҳамдиҳи” деб бир кунда юз марта айтса, хатолари денгиз кўпигича бўлса ҳам кечиб юборилади”, дедилар (Имом Бухорий, Имом Муслим ривояти).

 

Расулуллоҳ соллаллоҳу алайҳи васаллам: “Субҳаналлоҳи ва биҳамдиҳи аъдада холқиҳи ва ризо нафсиҳи ва зината аршиҳи ва мидада калиматиҳи”, деб айтардилар (Имом Муслим ривояти).

 Даврон НУРМУҲАММАД

Мақолалар