18 Ноябр, 2025, 27 Жумадул аввал, 1447
18 Ноябр, 2025, 27 Жумадул аввал, 1447
Ҳозирги даврда республикамизда диний-маърифий соҳа фаолиятини такомиллаштириш, ижтимоий-маънавий муҳитни янада соғломлаштириш, жамиятдаги ижтимоий иллатларга барҳам бериш вазифалари диний соҳада малакали кадрлар тайёрлаш тизимини янада ривожлантиришни тақозо этмоқда.
Шу муносабат билан Тошкент ислом институтида 2019–2020 ўқув йилидан Модуль таълим тизими жорий этилди. Ушбу таълим тизими орқали имом-хатиблар асосий иш жойидан ажралмаган ҳолда ўқишга қабул қилинмоқда. 2019–2020 ўқув йилида Модуль таълим тизимига 120 нафар ўрта махсус маълумотли имом-хатиб саралаб олинди. Шулардан 60 нафари 1-даврани тамомладилар.
Жорий йилнинг 22 октябрь куни Тошкент ислом институтида Модуль таълим тизимида 2-давра ўқишлари бошланиши муносабати билан тадбир бўлиб ўтди. Унда Ўзбекистон мусулмонлари идораси раиси ўринбосари Иброҳим домла Иномов ва Диний идора раиси маслаҳатчиси Абдуҳаким қори Матқулов иштирок этди.
Тадбир Қуръони карим тиловати билан бошланди ва Абдуҳаким қори Матқулов томонидан 2-давра ўқишлари муваффақиятли ўтишини сўраб дуолар қилинди. Тошкент ислом институти ректори Уйғун Ғофуров сўзга чиқиб, диний таълим тизимида олиб борилаётган ислоҳотлар, хусусан, Тошкент ислом институтида жорий этилган Модуль таълим шакли тўғрисида маълумот бериб, 2-давра талабаларини муборакбод этиш учун сўзни Иброҳим домла Иномовга берди.
Иброҳим домла Иномов барчани янги ўқув давраси билан қутлаб, муфтий Усмонхон Алимов ҳазратларининг табрикларини етказди. Шунингдек, мана шундай имкониятлардан унумли фойдаланиш кераклигини таъкидлаб ўтди.
Шунингдек, тадбирда Ўзбекистон мусулмонлари идораси раиси маслаҳатчиси Абдуҳаким қори Матқулов ва "Вақф" хайрия жамоат фонди раҳбари Искандар Халилов сўзга чиқиб, муҳтарам Президентимиз томонларидан диний-маърифий соҳа фаолиятини ривожлантириш учун кенг кўламли ишлар амалга оширилаётгани, ҳозирги даврда барча бирдай огоҳ бўлиши, хусусан, имом-хатиблар ўз устида тинмай ишлаши лозимлиги, доимий равишда билим ва кўникмани ошириб бориш бугунги куннинг талаби эканини алоҳида таъкидлаб ўтдилар.
Тадбир сўнгида "Вақф" хайрия жамоат фонди томонидан ҳар бир талабага Қуръони карим китоби совға қилинди.
Ўзбекистон мусулмонлари идораси Матбуот хизмати
Ҳар бир инсон сеҳргар, фолбиннинг ҳузурига боришдан сақланиши лозим. Афсуски, аёл-қизлар орасида тақдир ва қисматнинг аччиқ синовларидан умидсизликка тушиб, сеҳргарларнинг олдига борадиганлари кўп учрайди. Улар турли баҳоналар билан сеҳргарга мурожаат қиладилар.
Сеҳргарлар эса, ҳиссиётга берилувчи аёллардан унумли фойдаланадилар. Аёлларнинг пулини “шилиб” олиш мақсадида ҳузурларига қайта-қайта келишлари лозимлигини алоҳида таъкидлашади. Акс ҳолда, оғир мусибат ёки касалликка учрашлари ҳақида қўрқитадилар.
Имом Қуртубий раҳимаҳуллоҳ айтадилар: “Одамлар орасида сеҳргарлар олдига кўп қатновчилар аёллардир. Айниқса, улар ҳайз ҳолатида бўлганларида сеҳрнинг таъсири янада кучаяди. Бежиз ҳадиси шарифларда “дўзах аҳлининг кўпчилиги аёллардир” дейилмаган”.
Ибн Умар розияллоҳу анҳудан ривоят қилинади. Набий соллаллоҳу алайҳи васаллам: “Эй аёллар жамоаси, садақа қилинглар, истиғфорни кўпроқ айтинглар. Албатта, мен сизнинг дўзах аҳлининг кўпи эканингизни кўрдим”, деганлар.
Аёллар Аллоҳга тақво қилинг! Чунки Аллоҳдан қўрқиш – ҳақиқий бахтнинг калити. Аллоҳ таоло бундай марҳамат қилади: “Ким Аллоҳга тақво қилса, унинг йўлини очиб қўядир. Ва унга ўзи ўйламаган тарафдан ризқ берур” (Талоқ сураси, 2-3-оятлар).
Аллоҳ таолонинг ёзган тақдирига рози бўлинг. Зеро, Аллоҳ бандаларига фақат яхшиликни раво кўрувчидир. Арзимас сабабларга динингизни сотманг. Сеҳргар, фолбинларнинг ёлғон ваъдаларига ишонманг. Агар бирор истак, орзу-ниятингиз бўлса, Аллоҳ таолога ихлос ва ишонч билан дуо қилинг. Зеро, ёлғиз Аллоҳ фойда келтирувчи ва зарарни қайтарувчи Зотдир.
Аллоҳ таоло бундай марҳамат қилади: “Агар Аллоҳ сени зарар ила тутса, Ундан ўзга ўшанга кушойиш берувчи йўқдир. Агар У сенга яхшиликни ирода қилса, Унинг фазлини рад қилувчи ҳам йўқдир” (Юнус сураси, 107-оят).
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа