01 Июн, 2025, 5 Зулҳижжа, 1446
01 Июн, 2025, 5 Зулҳижжа, 1446
Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Бахтинг калитини бошқа шахснинг ҳамёнига солишдан эҳтиёт бўл!
“Тарих муҳрлаган сўзлар”
*****
Агар ўзингнинг нақадар бой эканингни ҳис қилмоқчи бўлсанг, ўзинг ичида турган, пулга сотиб олиш мумкин бўлмаган неъматларни санаб кўр!
“Тарих муҳрлаган сўзлар”
*****
Агар сен тирикчилик учун қийналиб меҳнат қилаётган, камситилаётган кекса аёлни кўрсанг, билгинки, сен уятсизлар ўлкасида яшаётган экансан.
“Тарих муҳрлаган сўзлар”
*****
Кўплаб душманларни учратдим. Уларнинг орасидаги энг хавфлилари менинг дўстим эканини даъво қиладиганларидир.
“Тарих муҳрлаган сўзлар”
*****
Ёқимли сўз чиройли қушга ўхшайди. Тилингдан чиқиши биланоқ бошқаларнинг дилларида сайрайди.
“Фикр дурдоналари”
*****
Дарахтга озор берадиган нарса болта эмас, балки болтанинг сопи ўша дарахтнинг шохидан эканидир.
“Фикр дурдоналари”
*****
Донишманд айтди: “Уч нарсадан фойда йўқ:
“Фикр дурдоналари”
*****
Ақллар бошқалар билан машғул бўлганда кичрайиб, ўзи билан машғул бўлганда катталашади.
“Фикр дурдоналари”
Интернет материалларидан тўплаб, таржима қилувчи
Нозимжон Иминжонов
Пайғамбаримиз солаллоҳу алайҳи васалламнинг вафотларидан кейин шариатга боғлиқ барча масалалар саҳобалардан сўралди. Ёш саҳобалар ўзларидан катталардан, янги мусулмонлар аввал мусулмон бўлган саҳобалардан ўзлари тушунмаган турли масалалар ечимини сўрардилар.
Имом ибн Aҳмад Шаъроний ўзларининг “Aл-Мийзан аш-Шаърония” асарида мазҳаблар ҳақида қуйидаги фикрларни зикр қилган. “Aслида саҳоба ва тобеъинлар даврида мазҳабларнинг сони ўн саккизта бўлган. Уларнинг барчаси ўз вақтида амалда бўлган. Лекин вақт ўтиши билан улар орасида тўрт йирик: ҳанафий, моликий, шофеъий ва ҳанбалий мазҳаблари ажралиб чиқди. Мазкур тўрт мазҳабнинг сақланиб қолишининг асосий омили бу мазҳабларнинг таълимотлари бошқа мазҳаблардан кучлироқ бўлгани учун эмас, балки тўрт мазҳаб бошқа ўн тўрт мазҳаб таълимотини ҳам қамраб олганидир”.
Демак, кўплаб мазҳаблар орасидан фақат тўрттасининг сақланиб қолгани асрлар давомида инсонларни турли зиддиятлар ва ихтилофлардан ҳимоя этишда асос бўлган.
Саматов Жалолиддин,
Давлатабод тумани "Юсуфхон ўғли Қосимхон"
жоме масжиди имом ноиби
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа