08 Январ, 2025, 8 Ражаб, 1446
08 Январ, 2025, 8 Ражаб, 1446
Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Бировга ҳамроҳ бўлайин деб ботил йўлда юрма!
Бир ўзинг бўлсанг ҳам Ҳақ Йўлда юр!
“Тарих муҳрлаган сўзлар”
*****
Эслатма
Аёл киши эрининг ҳаққига кўп дуо қилиб туриши керак. Зеро, у бу дуони ихлос билан қилади. Чунки, дуосининг ижобатидан ўзи ҳам баҳраманд бўлади.
Уйдаги мастураларимизга бизнинг ҳаққимизга кўп дуо қилишларини тайинлаб турайлик!
*****
Зарари аниқ бўлганларга нисбатан доимий яхши гумонда бўлиш гоҳида сенга кулфат келтириши мумкин.
“Тарих муҳрлаган сўзлар”
*****
Бечора фақир бутун умрини меҳнату машаққатда, ғамгин ҳолда ўтказади. Бир марта кулиб юборганда эса дарҳол уни суратга олишади-да, “Молу дунё бахтни пайдо қилмайди” деб пост қўйишади.
“Тарих муҳрлаган сўзлар”
*****
Сенинг синишингни кутаётган, синганингни кўриш истагида юрганнинг ёнидан ўтаётганингда шаҳдам қадамлар билан юр!
*****
Эсипаст ва аҳмоқлар билан тортишма. Акс ҳолда улар сени ўзларининг даражаларига тушириб оладилар-да, кейин аҳмоқлик борасидаги тажрибалари билан ютиб қўядилар.
“Тарих муҳрлаган сўзлар”
*****
Пар тўшакда ухлайдиганларнинг тушлари ерда ухлайдиганларнинг тушларидан гўзалроқ бўлмайди.
Жуброн Халил Жуброн
*****
Интернет материалларидан тўплаб, таржима қилувчи
Нозимжон Иминжонов
1. Ким бомдод намозини ўз вақтида ўқиса, энг афзал амални адо этган бўлади. Абдуллоҳ ибн Масъуд розияллоҳу анҳу Пайғамбаримиз алайҳиссаломдан “Энг афзал амал қайси?” деб сўраганларида Расулуллоҳ соллаллоҳу алайҳи васаллам: “Ўз вақтида ўқилган намоз”, деганлар.
2. Ким бомдод намозини ўз вақтида ўқиса, шайтон қулоғига бавл қилмайди. Пайғамбаримиз алайҳиссаломга тонг отганда ухлаб ётиб, намозга турмаган бир киши ҳақида айтишганида Расулуллоҳ соллаллоҳу алайҳи васаллам: “Унинг қулоғига шайтон бавл қилибди”, деганлар.
3. Ким бомдод намозини ўз вақтида ўқиса, ўша кунги ризқига барака киради. Расулуллоҳ соллаллоҳу алайҳи васаллам: “Аллоҳим! Умматимнинг эрта тонгдаги ишларини баракотли қилгин”, деб дуо қилардилар.
4. Ким бомдод намозини ўз вақтида ўқиса, Аллоҳнинг зиммасида бўлади. Расулуллоҳ соллаллоҳу алайҳи васаллам: “Ким бомдод намозини ўқиса, Аллоҳнинг аҳди ва омонида (зиммасида)дир. Аллоҳ сизларни ҳаргиз аҳдини зое қилган ҳолда топмасин”, дедилар.
5. Ким бомдод намозини ўз вақтида ўқиса, жаннатга киради. Расулуллоҳ соллаллоҳу алайҳи васаллам: “Ким бомдод ва аср намозларини адо этса, жаннатга киради”, деганлар.
6. Ким бомдод намозини ўз вақтида ўқиса, мунофиқликдан узоқ бўлади. Расулуллоҳ соллаллоҳу алайҳи васаллам: “Мунофиқларга энг оғир намоз хуфтон ва бомдод намозларидир”, деганлар.
7. Ким бомдод намозини ўз вақтида ўқиса, бу дунё ва ундаги нарсалардан энг яхшиси эга бўлади. Расулуллоҳ соллаллоҳу алайҳи васаллам: “Бомдоднинг икки ракати дунё ва ундаги нарсалардан яхшидир”, дедилар.
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа