2022-2023 ўқув йилида Имом Бухорий номидаги Тошкент ислом институтини 76 нафар талаба битирмоқда. Шундан 10 нафари аёл-қизлар ҳисобланади. Битирувчилар бакалавр даражасини олишлари учун диплом мавзуларини танлаб, йил давомида кичик илмий тадқиқот олиб боришди.
Битирув малакавий иши ҳимоялари кундузги таълим йўналиши 4-курс талабалари учун бўйича шу йил 12-24 июнь кунлари ўтказилади. Шунингдек, кундузги таълим шакли 4-курс талабалари учун “Умумкасбий фанлар – араб тили” ва “Ихтисослик фанлари – ақоид ва фиқҳ” бўйича якуний аттестация синовлари 6-9 июнь кунлари бўлиб ўтади.
Ақоид ва фиҳқий фанлар, Ҳадис ва ислом тарихи фанлари, Тиллар, Таҳфизул Қуръон ва Ижтимоий фанлар кафедраси профессор-ўқитувчилари томонидан ўз йўналишларига оид тавсия этилган мавзулар бўйича талабалар битирув диплом ишларини бажарди.
Бу ҳақда институт проректори Соатмурод домла Примов ва Илмий тадқиқот бўлими бошлиғи Маъмуржон Эркаев томонидан 4-курс талабаларининг Битирув диплом ишларига бағишланган йиғилишда айтиб ўтилди. Унда, шунингдек, битирув диплом ишларининг ҳолати, расмийлаштирилиши, олд ҳимоя натижалари ва ҳулосалар, эълон қилинган илмий мақолалар каби масалалар муҳокама қилинди.
Ўзбекистон мусулмонлари идораси
Матбуот хизмати
1. Аввало “Икки ракат ийдул азҳо намозини ушбу имомга иқтидо қилиб, Каъбага юзланиб, холис Аллоҳ таоло учун адо этишни ният қилдим” дейилади.
2. Имом “Аллоҳу акбар” деб биринчи такбирни айтгач жамоат ҳам қўлларини қулоқ баробарида кўтариб, ичида такбир – “Аллоҳу акбар” деб айтади.
3. Кейин қўллар боғланиб, ҳар ким ичида сано дуоси (Субҳанакаллоҳумма ва биҳамдика ва табарокасмука ва таъала жаддука ва лаа илаҳа ғойрук)ни ўқийди.
4. Сўнгра имом уч марта такбир айтади. Жамоат ҳам унга эргашади. Биринчи ва иккинчи такбирда қўллар ён томонга туширилади. Учинчи такбирдан сўнг қўллар боғланади.
5. Имом “Фотиҳа” сурасини ва зам сура ўқийди. Сўнг такбир айтиб руку ва сажда адо этилади.
6. Шундан сўнг иккинчи ракатга турилади. Имом “Фотиҳа” сураси билан зам сура ўқигач, рукуга бормай туриб, худди биринчи ракатдаги каби уч марта такбир айтади.
7. Тўртинчи такбирда қўл кўтармасдан имом орқасидан руку ва сажда адо қилинади.
8. Сўнгра “Аттаҳийёт”, “Салавот” ва “Дуо” ўқилиб, салом берилиб, намоз тугатилади.
Аллоҳ ибодатларингизни Ўз даргоҳида қабул этсин!
Даврон НУРМУҲАММАД