Сайт тест ҳолатида ишламоқда!
14 Июн, 2025   |   18 Зулҳижжа, 1446

Тошкент шаҳри
Бомдод
03:04
Қуёш
04:49
Пешин
12:28
Аср
17:39
Шом
20:01
Хуфтон
21:39
Bismillah
14 Июн, 2025, 18 Зулҳижжа, 1446

Президент яна бир хайрли ишга кўрсатма берди

29.01.2018   4821   2 min.
Президент яна бир хайрли ишга кўрсатма берди

Ўзбекистон Республикаси Президенти мактабгача таълим муассасалари ходимлари маошини оширишга буйруқ берди. 

28 январь куни Чироқчи туманида президент раҳбарлигида Қашқадарё вилояти фаоллари йиғилиши бўлиб ўтди. 

Ушбу йиғилишда вилоятнинг ижтимоий-иқтисодий ҳолати танқидий баҳолар асосида таҳлил этилди. Мавжуд муаммолар очиқ гапирилди, мутасадди раҳбарларга тегишли кўрсатмалар берилди. Президент Қашқадарё вилоятидаги мактабгача таълим муассасалари фаолиятига ҳам назар ташлаб, бу тизимдаги ишлар ва истиқболдаги режалар ҳақида гапирди. 

“Қашқадарё вилоятида таълим соҳасининг моддий-техника базасини мустаҳкамлаш зарур. Умуман мактабгача таълим муассасалари эътибор берилмасдан, четда қолиб кетган эди. Бугунги кунда вилоятдаги боғча ёшидаги болаларнинг 24 фоизи таълим билан қамраб олинган. Айниқса, Деҳқонобод туманида болаларнинг 6-9, Яккабоғ туманида 15 фоизи қамраб олинган холос. 

Ота-оналарга қулайлик яратиш мақсадида, жорий йилдан бошлаб қишлоқ жойларда бир бола учун тўлов нархи 90 минг сўмдан 60 минг сўмга камайтирилди. Икки ва ундан кўп боласи боғчага борадиган оилалар учун ҳар бир болага тўланадиган 82 минг сўмлик тўлов қиймати 48 минг сўмга туширилди. Бугунги кунда боғча ходимларининг маоши кам. Шу сабаб Молия вазири Қўчқоровга икки ҳафта ичида боғча ходимларининг маоши 30 фоизга ошириш тўғрисида қарор лойиҳасини топшириш вазифаси юклатилади”, - деди Шавкат Мирзиёев. 

Президентнинг таъкидлашича, Қашқадарё вилоятининг Чироқчи, Миришкор, Деҳқонобод, Косон ва Ғузор туманларининг чекка қишлоқларида беш йил мактабгача таълим муассасаларига тўлов миқдори 50 фоизга камайтириб берилиши тўғрисида қарор қабул қилинади. 

“Одамларнинг даромади йўқ. Шунинг учун бундай қийинчилик бўлмасди. Бу йилда вилоятда қўшимча 371та МТМ ташкил этилади. Мен бугун Шаҳрисабз шаҳридаги ташкил этилган инглиз тилини ўргатувчи нодавлат боғчасини бориб кўрдим. Мен улардан розиман, уларга нима ёрдам керак бўлса берамиз. Агар Қашқадарёда бу йилнинг ўзида 371та МТМ қурилса, биласизларми қанчадан қанча ота-она биздан рози бўлади? Боласи у ерда уч маҳал овқат ейди, битта тил ўрганади. Маънавият, Ватанга муҳаббат айнан шундай бошланади”, дея Шавкат Мирзиёевнинг сўзларини келтирган “Kun.uz” мухбири.

ЎМИ Матбуот хизмати

Ўзбекистон янгиликлари
Бошқа мақолалар
Мақолалар

Мазҳабга эргашиш динимиз талаби

13.06.2025   2488   3 min.
Мазҳабга эргашиш динимиз талаби

“Мазҳаб” сўзи арабчада “йўл”, “йўналиш”, шаръий истилоҳда эса “диний масала бўйича муайян мужтаҳид олимнинг фатво чиқариш йўли” маъноларини билдиради.

Машҳур аллома Ибн Ражаб (1335-1393 м.й.): “Кўплаб мазҳаблар орасидан фақат тўрттасининг сақланиб қолгани асрлар давомида инсонларни турли зиддиятлар ва ихтилофлардан ҳимоя этишда асос бўлган”, деб ёзган (“Тўрт мазҳабдан бошқага эргашганга раддия” китоби).

Уламолар мазҳабларга эргашиш Пайғамбар соллаллоҳу алайҳи ва салламнинг қуйидаги ҳадисига амал қилишдир, деб таъкидлайдилар: “Агар ихтилофни кўрсангиз, ўзингизга кўпчилик томонини лозим тутинг” (Имом Можа, 3950-ҳадис).

Мазҳаблардаги битта масалага нисбатан турлича ёндашишлик ислом шариатида мусулмонлар учун кенг имкониятлар мавжудлигидан далолат беради. Мазҳабларда у ёки бу масала ислом аҳкомлари, муайян жамият, халқ ёки миллатнинг урф-одатлари, қадриятлари ҳамда ижтимоий муносабатларнинг мазмунини ҳам ҳисобга олган ҳолда, энг маъқул шаклда ҳал қилинган.

Ислом уламолари шаръий ҳукмни ва унинг далилини билмайдиган мусулмон одам (муқаллид)мужтаҳид олимга тақлид қилиши зарурлигини таъкидлайдилар. Бунга Қуръондаги ушбу оятни далил сифатида келтириш мумкин: “Агар билмасангиз зикр аҳлларидан сўранг” (Наҳл сураси, 43-оят).

Мазҳабларда Қуръон, суннат, ижмо ва қиёсдан далил сифатида фойдаланишнинг ўзига хос қоидалари, усул ва тамойилларига асосланган муайян тизим мавжуд. Масалалар тизимли равишда ҳал бўлган. Мазҳабсизларда эса ҳеч қандай ижтиҳод усул ва қоидалари йўқ бўлиб, “Қуръон ва Суннатга мурожаат қиламиз” қабилидаги далилсиз даъво билан ҳукмлар берилмоқда. Мақсадига, раъйига ва нафсига тўғри келган далилларни олиб, қолганларини ташлаш эса ёмон оқибатларни келтириб чиқармоқда.

Бемазҳаблар омма мусулмонлар ичида кўплаб нотўғри талқин қилинган ақидавий ва фиқҳий масалаларни тарқатмоқдалар. Ваҳоланки, бу масалалар Аҳли сунна олимлари томонидан аллақачон ҳал қилинган.

Мазҳабсизлар тарафдорларининг айрим иддаоларидан уларнинг даъволари асоссиз эканига ишонч ҳосил қилиш мумкин:

– бемазҳаблар “Қуръон битта ва Пайғамбар битта бўлса, тўрт мазҳаб орасида фиқҳий ихтилофлар бор, ҳақ битта эмасми?” дейдилар.

Мазҳаблар бир манба – Қуръон ва суннатга асосланади. Мазҳабларнинг бирига эргашган киши Қуръон ва суннатга эргашган бўлади.

– Мазҳабсизлик тарафдорлари “Имом Бухорий бемазҳаб бўлган”, деб далил қилади. Ваҳоланки, Имом Бухорий яшаган даврда у кишига ўхшаш илми ижтиҳод даражасига етган, ўзи ижтиҳод қилганлар кўп бўлган. Ҳамма уламолар илми мужтаҳидликка етган одам, ўзи ижтиҳод қилади, деганлар. Ҳозир эса ўша даврдаги каби мужтаҳидлар йўқ эканини ҳисобга олмайдилар.

Аксинча, Қуръон ва суннатдан ҳар ким ўзбошимча янги ҳукм чиқариш, фитна қўзғаш каби исломда қатъиян ман қилинган хатти-ҳаракатларга сабаб бўлмоқда. Шу нуқтаи назардан, марҳум Шайх Муҳаммад Саид Рамазон Бутий қайд этганидек: “Мазҳабсизлик ислом шариатига таҳдид соладиган хатарли бидъатдир”.

Минг афсуслар бўлсинки, мана шундай етук олимлар бир мазҳабни маҳкам ушлаб, тўғрилигини эътироф қилиб турган бир пайтда баъзи юртдошларимиз ҳали дастлабки илмий кўникмаларни ҳосил қилмаган бўлсаларда: “Мен Қуръон ва ҳадисдан ўзим ҳукм оламан” деб, даъво қилиб, турли ихтилофларни келтириб чиқармоқдалар. Баъзида ўзлари адашгани етмагандек, ўзгаларни ҳам йўлдан урмоқдалар.

Аллоҳ таоло ҳаммамизни Ўз ҳидоятида собит қилсин.

Ғуломов ФАТҲУЛЛОҲ,

Ал-Ҳудайбия жомеъ масжиди имом ноиби

МАҚОЛА